صدقوني والله العظيم تعبانه نفسيا وابي منكم المساعده....
القصه..
انا مخطوبه لواحد من اقربائي وكل واحد منا يبي الثاني بعيوبه قبل حسناته
والمشكله اننا نعرف بعض زين زين..
الي صار اننا طلعنا كلنا مع اهلنا وكنا مجموعة بنات كبيره وبينما احنا جالسين نسولف انتبهوا البنات لرجال يغازلهم قاموا بعض البنات يسون له حركات ويأشرون له.. اخته وانا منعنا البنات بس مافي فايده لكن وحده من البنات تمادت وقامت تطول صوتها وتسب
طبعا.. الرجال انعطى وجه وقام يقرب فأشرت اخت خطيبي بأيدها وقالت خير وش تبي...
صرخت فيها على طول ليش تأشرين وسحبتها ورحنا السياره..
اليوم الثاني تفجأت ان خطيبي درى بالموضوع والمصيبه انه درى اننا كنا موجودين يوم صار الي صار
لأن الرجال الي غازل البنات يعرف خطيبي وقابله وقاله عن السالفه وقال يااافلان ادب اهلك ترى وحده من اهلك اشرت لي ثااااار خطيبي وانجن واعمته الغيره راح سأل اخته وخافت وانكرت السالفه تماماً دق علي وسألني انصدمت وماقدرت اتكلم اتهمني على طول لأني عجزت عن الكلام قفلت الخط فوجهه لأنه تلفظ علي بكلام جاااارح مره كلمت اخته وقلت لها اعترفي قالت مستحيل بعد يومين كلمني وهددني ياا اعترف والآ يتركني طبعا انا حلفت له اني ماسويت شي لكن مافي فايده مقتنع اني انا ليه ماادري
قابلت اخته بعد كم من يوم وكانت منهاره من معاملة اخوها لها وحزينه على حاله تقول لا ياكل ولا يشرب همه بس انه يعرف من الي سوت الحركه فينا وقررت انها تقوله لأنها مستحيل تخلينا نترك بعض بسببها.. منعتها لأني اعرف اخوها زين ومستحيل يفهم انها ماقصدت ألاانها تبعد الرجال مش تغازله بعد يومين شافت ان الموضوع بدا يكبر ومن غير ماادري راحت وقالت لأخوها انها هي وحلفت له على المصحف ببراءة نيتها ولكن انقلب عليها زي الأسد وكان بيذبحها وقتلها بكلامه ..
لكن الي يقهر انه كلمني ولاحتى اعتذر .. بس قالي انتي طلعتي مظلومه وهذا الأهم.. حاولت افهمهه موقف اخته لكن مافي فايده
وضعه حاليا.. مقاطع اخته ولا يكلمها الأ قدام اهله لأنهم مايدرون وانا مقاطعني بلا سبب تغير كثيير وانا مالي ذنب وآخر مره كلمته فيها عاملني بطريقه حقيره ولما سألته أشفيك ليش متغير علي وانا ماسويت شي قالي:أيه صح ماسويتي شي على العموم اعطيني فرصه وبتلقين رد لكل أسئلتك اعطيني فرصه حتى انا تعبان وابي ارتاح وانا مااقدر ارجع لك ألأ بعد ايام يعني بعد ما يصير شي يريحني ..
سألته وشهو.. ماعلمني وقالي صبرك هااذا انا صابر زيك واكثر
قلت له انت شكلك بتتركني قال لا.. وبعدين ضحك وقال بصوت منخفض لسه بدري..وكأنه ناوي لي شي
ولما قلت لأخته عن كلامه خافت شوي بس بعدين قالت يمكن انه وده يختبرك ويضغط عليك علشان اذا كان عندك كلام تقولينه ونصحتـني اطنشه حتى يتأكد او عمره ماتأكد ولكن المشكله الي مااحد في الدنيا عارفها انه انسان قمه في المشاعر والطيبه والي متعبني انه متضايق وزعلان وظالمني والي اكبر من هذا كله اني احبه واستحاله اعيش من دونه ...
افيدوني كيف اتصرف معاه ارجوكم علموني كيف ارتاح..
اعــــــــــــــــــــــــــــــــــــــــــتذر على ازعاجكم...
العرض الشجري
