رجائي... تكمل الصورة
أناظر " هم " في عيونه... يطالعني و هو تعبان
يقول " الوصل " يا عيوني... تعالي نكمل الصورة
تعالي نعيش حاضرنا و ننهي للحزن عنوان
نجدد صفحة الماضي على آمال معمورة
تعالي نكسر الحاجز... و نحجز خلفنا نيران
نخلي قلبنا واحد... و تموت الناس مقهورة
*******
رجف قلبي على صوته... و على صوته أنا ولهان
و عجزت أنطق حرف واحد.. كأني كنت مسحورة!!
و ناظر " دمعه" بعيوني.. و "حزن" يرفض الكتمان
و " يأس" بداخلي يسري..و" هم " عمّق جذوره
و قلت شلون أبقى لك؟!..بعد ما شبت النيران؟!
و أمنّي النفس بوجودك؟! و أنا ع البعد مجبورة؟!!
تعال نعيش واقعنا.. و نذكر.. " للطيوف ألوان"
و لا نبني محبتنا... على آمال مبتورة
و اذا مني يجيلك " هم ".. أببعد وأغرق بطوفان
و تذكر كيف حبي لك.. و أبيك تقول: معذورة
و بعد ما أموت في حبك.. و أواري عنك هالجثمان..
رجائي منك ياعمري..تعيش و " تكمل الصورة"!
طيف |
العرض الشجري
