أحـــــــــــبك..........

[وعود]

أحبـك يا عسى ربي على بعدك يصبرنـي
_
أحبك حب من قلبي وأحبك والزمـن قاسـي

هجرت الناس من شانك وخاف الله تهجرني
_
كتمت الحب في قلبي وبـان الشيب في راسي

تهنى في لذيذ النوم وللا الشوق سهرنـي
_
أنا خفي غرامي عنك وجحد لوعة إحساسـي

حيا ما ادري نقى ما ادري شيـي يحيرني
_
ردعني عنك عزة نفسي اللي ساسها ساسـي

تكابر لـو تناسنـي وتجحدنـي وتنكرنـي
_
حرام الهجر والجفوة حرام الصد يـا ناسـي

لكن حبل الوصل قصر ولا جمل وقاهرنـي
_
تمنيت الرجا ممدود حتى مطــوي اللياسـي

تقابلنا وأنا ولهـان وأنظـرلك وتنظرنـي
_
بلا سابق وعد صدفة بوسط السوق والناسـي

تركت الدرب قدامك وقلـت الله ينصرنـي
_
زرعت الورد في دربك نثرت الدر والماسـي

تغـل ما تغـل تحـاول غصـب تجبرنـي
_
تكبر ما تكبر لـو أنـي فـي آخـر أنفاسـي

ولو أموت من سبتك ما أوصيك تقبرني
_
غرورك في جمالك ما قدر يسطي على باسـي
_
خدود حمر ورموش وعيـون سـود نعاسـي

ولـو أقوم فوقي غار والنيران تسخرنـي
_
على جمر الغضى صابر بعد ما طحت متواسي


ولا انقص مقامي وانت تعرفني وخبرنـي
_
أعيش العمر واذوقك طعم المر مـن كاسـي

نزلت بملحمة عشـاق تقتلنـي وتنشرنـي
_
أبيع الروح وارخصها ولا أعلن عندك إفلاسي

على بالك لي طال الجفا تخضع وتقدرنـي
_
عزومي ما ترديها وقلبي في الهـوى راسـي

وأجيبك باللتي هي أحسن ولابدك تقدرنـي
_
أنا فصل على جسمي ثيابي واعـرف قياسـي

أنا ولا أنت لو انك بسحر الشوق تسحرني
_
لا بدك ما تيجي خاضع وراسك تحت الأمواسي

ولا منك فهمت الدرس أبختبرك وتشكرنـي
_
نويت أعطيك درس ما يليـق بكـل دراسـي

يا ليت أقتضي في اللي مضى والله يقدرني
_

هذه من ابدعات الشاعر العاطفي


سطرت احساس واهاتي


وعود