المشاركة الاولى واتمنى تعجبكم

["بياض الثلج"]

أتمنى ان تكون هذه المشاركة جسرا للتواصل الدائم مع هذا المنتدى

اطلق يديا
هانت عليك سنين عمري وضحيت
فيني مع اول شخص جاك وتهيـّا

وأنا عن العالم لعينك تخليت
كنت (انت عمري)معك ماأستبقيت شيا

جاوزت بك حد المخاليق واعليت
قدرك من اشباه الثرى للثريّا

سكبت لك روحي على كف عفريت
ولجلك رميت اللى أمامي وريـّا

ياما على جمر انتظارك تدفيت
وقلبي تحت شمس اشتياقه تفيـّا

تغيب ترجع ما أقل وينك ابطيت
لا قال هيـّا موعدك قلت هيـّا

وفجأة تقول انسى تراني تناسيت!
من بعد ماحبك تمرد عليـّا!!!

وجازيتني بالصد يوم انك اقفيت
واهديت لي في القلب مليون كيـّا

ياللاسف عشرت عمر ما تأنيت
ياظالمي ماتتقي الله فيـّا

حبستني مابين يمكن وياليت
ياعاشق (الاطلال)(أطلق يديـّا)

يمكن اضحي بك مثل ماأنت ضحيت
وأغتال قلبي اللي يحبك وعيــــــــّا


تحياتي

[move=down]اخوكم /// بياض الثلج[/move]