ياهلا بأغلى الحبايب ياهلا بريحة هلي <==رابح صقر على غفله
كيفكم حبايبي إنشاء الله بخير
بصراحه إشتقت لردودكم
ندخل في الموضوع :
(¯`·._) ( رحلة الشـــاطر إلى سوريا ) (¯`·._)
الشاطر بدوي ساكن في البر <=الصحراء
ولا عمره شاف البلد إلا قليل <= طول عمره في البر
ونزل للبلد يسلم على عمانه وخواله وجلس عندهم كم يوم .
وقال له ولد عمه وش رأيك نسافر أنا وإنت ونبسط مادام إني طالع إجازه .
قال الشاطر وين نسافر داخل وإلا خارج المملكه قال لا خارج المملكه .
قال أنت مجنون تبي أبوي يذبحني قال يارجال ماعليك بنصرفهم اللي يشوفك يقول إني بقول لأبوي بروح خارج المملكه قال طيب وش بتقول لأبوك قال بقوله بنروح للبر <= ماعمره راح للبر ولا يحبه .
المهم وقال الشاطر تعال وبعدين أنا كيف أسافر ولا عندي جواز قال ماعليك أضبطك .
الشاطر صرف أبوه وولد عمه بعد صرف أبوه وأقلعت الطائرة بالشاطر وولد عمه إلى مطار دمشق الدولي ونزلو في سوريا <== إخس يالشاطر من البر إلى سوريا
المهم وحاول ولد عمه فيه إنه يلبسه بدله وجنز وحركات الرجال همجي بدوي ماعمره لبس هالأشياء والشاطر يقول لا ماني لابس المهم حاول فيه وبعد الشيل والحط ليسه <= إخس يالجنغل من وزار إلى جنز
المهم تمشو الشباب في شاطئ اللاذقيه والشاطر مبسوط حده أول مره يشوف هيك مناظر .
ويقوم الشاطر وهو يهز رقبته وخصره ومره يطيح يمين ومره يسار وولد عمه طايح من الضحك شوي ويموت قايل لكم وربي شي يضحك .
راح الشاطر ودش بين البنات وجلس يرقص ويهز <= الله وأكبر من بعد ناقه وعنز صار مع سوريات
ولد عم الشاطر جاب له كاميرا وجلس يصوره من أول الليل ليما آخر والشاطر خاش جو بالرقص .
المهم صحى الشاطر من النوم مايدري وش اللي صار ورجع مع ولد عمه للملكه وجلسو يومين وبعدين قال الشاطر أنا بروح للبر أشتقت للبل والغنم
قال ولد عمه لا لا تروح وربي إنك مونسني وربي طفشان قال بجيكم في أقرب فرصه تسمح لي اليوم لازم أروح للبر <== إيه هين والله ماتشوفه إلا بعد سنين .
قال ولد عمه ماتروح يعني ماتروح قال إلا أروح ونص قال ماراح تروح قال ليش من اللي بيمنعني قال أنا بمنعك قال لا أنت ولا عشرة تقدرون تمنعوني قال طيب براحتك بس قبل لا تروح عندي فلم فيديو على كيف كيفك بنشوفه قال طيب <== أكيد عرفتو الفلم
جاب ولد عمه الفيديو والتلفزيون والشاطر مبسوط ينتظر الفلم قال له ولد عمه ها خلاص عزمت على روحت البر قال أفا عليك اليوم العصر إنشاء الله ماشي بس يالله بسرعه شغل الفلم ترى متحمس حدي .
قال طيب ويشغل ولد عمه الفلم إلا الشاطر بين هالبنات ويهز يمين ويشار فاقد حده
الشاطر شوي وينهبل قال وش ذا قال هذي هسترتك في سوريا يالسربوت وربي لأتروح للبر لأخلي أبوي وأبوك يشوفون هالفلم
وجلس الشاطر يفكر وإيده على خده حزين ومشتاق وخايف .
قال ولد عمه أنا مستعد ما أوريه أحد بس تجلس عندي طول عمرك لأني أحبك وأنبسط عليك .
وجلس الشاطر وكله ألما وحزنا في البلد وهجر البر والصحراء .