o0o الماضي & الحاضر o0o

[,,,ـــاoـــــر]

	[B][size=5] :::::-- سلام عليكم ورحمه الله وبركاته --::::: هذى احد الروائع التي قراتها تتكلم عن الفوارق بين الماضي و الحاظر فاحببت بان اشاارككم بها ::--[/size][/B] يقول الشاعر المشتاق للنهضة وطاريها = يقارن بالمعاني في جواب حط فيه وشال يخاف من القواصر عند من يعرف معانيها = موازين المعرفه والوفا لأهل الوفا مدهال نشوف النهضة اللي شاملتنا يوم نرويها = تقدم في وطنا بالرجال وغالي الاموال ظهر مشروع فيصل في حرص نور صحاريها = بساتين جميلة عقب ما كانت رمل وجبال مثل مشروع صرف الري بالهفوف يسقيها = يصفى كل عين جاريه مثل الغدير زلال صحارينا تمثل بالمدن والنور غاشيها = عساها من حقوق المزن يسقيها الوبل همال أنا المشتاق وللصحراء وقلبي مغرم فيها = ليازان الربيع وكل وادي من فروعه سال أحب الباديه واضعانها ماينب ناسيها = ليا طاح الحيا شدو ومدو يركبون جمال خصوصٍ لي نشى الوسمي بروقه من مناشيها = نخايلها ونتبعها ولو صعب الشديد وطال مع البل والغنم رعيان بالريضان نرعيها = نربيها ونحفظها حلال فيه كنز المال والي خلف شحمها ربح بايعها وشاريها = سلوم البادية عاده وسلم البادية لا زال كذلك والمزارع بالفلاحه مع سوانيها = على وقت حدر يوم الشقا دايم وهو شغال قبل وقت المكاين حالة الفلاح مشقيها = وهو تعبان دايم والسواني تزعج المحال ولا شك الشقا ولى مع الدنيا وما ضيها = جميع الباديه والحاضره عاشوا براحة بال حكومتنا الرشيده بأول الدنيا وتاليها = تراعي في مصالح شعبها والعسرله حلال عقب هاك التعب راحه وعز والدار بانيها = الفيصل صاحب النهضة حكمها بالعدل ما مال ولا ننسى الإمام اللي بشرع الله مصفيها = وهو عبدالعزيز الليث الأول ماضى الافعال ظهر في نجد واسسها لماضيها وحاليها = وتمت واستقرت مثل ما شفنا يسر البال عسى الله يرحمه خلف حرار من مجانيها = يساوون الرعيه بالعداله منبت الاجزال حرار من حرار ما تغير عن مباديها = مثل وصف الجبال الراسيه حكمنا ورحال جمايلهم علينا والدهر ما هوب ماحيها = حشا لله ننسى الجميل ومن نساه حتال مدارس فتحت بالمملكة عمت ضواحيها = تزود بالعلوم وصار مايوجد بنا جهال ومصانع للرجال اهل الوطن بياديها = ومعاهد للشباب تعلمه ويحصل استقبال ثمرها للبنين وللبنات العلم حاويها = ومن كرس جهوده باختصاصه للشهاده نال نجد ونجتهد واليوم فيه اثمار نجنيها = ولا نقدر نعبرها ومعنا تشهد الاجيال شوارع زفلتت بالمملكه عمت نواحيها = جميع الطرق متصله وسهله لو تمر جبال وتربط بالبلادين الشقيقة هي وهاليها = بحر والجو مثل البر طرق عامره باكمال لسياره وطياره وسفن في مجاريها = مع سكة حديد مستمرة تنقل الاثقال وبرقيات للشفرات والهاتف يوديها = ربع ساعة تودي ما وضع فيها بلا مرسال وتلفون تماتيكى لكل بلاد نبغيها = نكلمها وناخذ جابة اللي نطلبه في الحال وبنك للمزارع بالسلف والارض يحييها =وتشجيع المزارع كل كيلو فيه زود ريال مع البنك السلف لمواطنين بنوك نرجيها = تساعد كل من يرجي زواج وبيت هو وعيال أو اللي عنده ارض وتثبيت إنه عجز يبنيها = ولا يقوى ولا يلقا ولا له حيلة يحتال يقدم له بيان ويستلف يبني حواميها = ويسكنها مثل غيره يجي له مظهر ومدخال كذلك والمريض اللي عجز نفسه يداويها = تساعده الحكومة بالعلاج وكل طيبه فال ومع العادات للشعب السعودي في حراويها = مكاتب للشؤن الاجتماعي تشمل الارمال وصندوق لَعْمال البر ياخذها ويعطيها = لاهلْها المستحقين العطا يتام ولاّ هزال وتزويد الرواتب للعموم وكل مافيها = جميع موظفين المملكة في ساير الاعمال الفيصل صاحب النهضة ونصر الله يباريها = مشاريع كثيره شامله يضرب بها الامثال عسى ربى يطول عمر من يمناه مصحيها = مثل غيث المطر للشعب درع للوطن واظلال ملايين الريالات الملك للشعب يديها = بتخفيض الرسوم لمصلحتنا دقها واجلال مشاريع كثيره صفحه التاريخ ترويها = توصلنا مقام العز ومنا خصمنا يهتال بعهد الفيصل ازهار مراسيمه يمضيها = حياة بالشرف والعز خير من حياة اذلال يعيش العاهل اللي كلمة التوحيد يعليها = ليا منه حضر مجلس يفوز ويعتمد ما قال دعا الامه الى مجلس تضامن في تخاويها = جمع شمل العرب والمسلمين وحسن الاحوال ردع كيد العدا بنحورها واخلف هفاويها = وهو فتالها حلالها دايم يحل اشكال جميع اخصال فيصل يعجز التاريخ يحصيها = نعبر نبذة منها ونعجز نكمل الاخصال واخوانه هم عضوده بالجزيرة دون عاينها = حماة الدين والاركان هل التوحيد راس المال وصلاة الله على سيد البشر للدين داعيها = على المختار صلينا عدد ماهل وبل خيال [B][size=5] لشااعر الكبير :-راشد بن عبدالرحمن الكليب انشاء الله انى وفقت في نقلها لكم * تحياتي و اشواقي * اخووكم الشــ كله ــوق[/size][/B]