للبساطة ناااااااااااااس يتقنونها !!!!!
وهذي من ابسط القصايد الجميلة اللي سمعتها وقريتها !!!!!
تقبّلوا هالإهداااااااااااااء مني لكم !!!!!
عهدي بها من قبل تلبس عبايه
................................وأنا بعد قبل البس شماغ وعقال !!
طفلين نتهجّى حروف البدايه
.................................الله ياماأجمل سواليف الاطفال !!
كانت لنا في كل شارع حكايه
..................................وكنّا نقول علوم ماهيب تنقال!!
وكنت اتقاسم مامعاها معايه
...........................من(عسكريم) التوت,للعلك ابوريال !!
وكانت بعكسي شاطره في القرايه
....................................تقرأ جزء عمّ وطه والانفال !!
وأنا لك الله من مواري غبايه
............................مدري ابو نقطه هو الذال او دال !!
وكانت لابويه تشتكي من شقايه
.............................وتعلّمه كيف اربط الباب بحبال !!
ياما على ظهري كسر من عصايه
............................يقول لي:خلّك وأنا ابوك رجّال!!
وامي تقول:ادع لولدك الهدايه
.......................خوفي تصيبه كثرة الضرب بهبال !!
لاشفتها مع اول الدرب جايه
......................مدري أنا اللي ملت ولاّ الوطا مال!!
احسّ قلبي يرتجف في حشايه
.............................ماكنّه الاّ الضيف لاهزّ فنجال !!
ياما عن"السّعلي" تخبّت ورايه
...........................لاخوفوها فيه ثم شافت ظلال !!
تقول:خلّك ياحبيبي معايه
.....................واسّتأنس العب عندها دور الابطال !!
وآغار حتّى من عيون اصدقايه
..........................لاطالعوها قلت:تكفون ياعيال!!
مادري منهو الشاعر !!!!!
لكم كل التقدير !!!!!
كنت اتقاسم مامعاها معايه .. من عسكريم التوت للعلك .. أبو ريال ؟؟
العرض الشجري
