أستاذ الفقر ..........

[سيف العنزي]

ياوجه.... خل الوجع مسجون تأبيده
..........ليت الوجع عاشقٍ خلاه محــبوبه

ذكرتني بالفـقر وأيـام تنــكيده
.......... وطفــلْ انكسر خاطره من شان لعـبوبه

لولا الفـقر ماعرفنا العبد من سيده
.........خل الردي فوق والطيب له عيوبه

لو الشعر يغني الأنسـان ترديده
..........لخلي الشـعـر ياخذ مني أسلوبه

ولو كان يرجع زمن من جاع له صيده
..........والله لاهين الفـقر لو مت بحروبه

حلمي ولايقدر أي انسـان تحديده
..........بس الفقر.. قال:.كل الحلم أكذوبه

لو الفقر " فن " كنت أبرع من يجيده
...........أستاذ انا للفـقر للارض مندوبه

أفقر من الفـقر أحكم في يدي قيده
...........و ثوبي من الفـقر رَيّحته من جيوبه

بالعـيد ذكرتني لاعاد من عـيده
..........في ليلة العيـد حزني ليت حسوبه

للعيد " شكله " وانا معرف تقاليده
..........وشلون أعيشه وأنا ماحسيتبه نــوبه

جاري غني (....) وابي بالغصب تقليده
..........وكل شي أشوفه مع ألاطفال أعجوبه

كلِ يجهز صنـع للـعيد تمــهيده
...........وطـفل بكاء يسأل أمـه مالقا ثوبه

ثوبٍِ لـجاره عطاه وقـال ماريــده
...........شريت أحسن واهلــي فيه بلشوبه

وشمــاغه اللي عجز عـامين تجديده
.......... وشقٍ بثـوبه يدسه خـوف دريـوبه

وطاقيته مـن بطاها شدها بيده
............. ييخاف يقطع نعوله يمـشي بدوبه

يضحك وفي داخله مليون تعـقيده
............يلعـن أبو الـفقر كانه أكبر ذنوبه

عصر الطفـوله لكل الناس تغريده
..........الا..أنا.. عيشتي ياليت.. مشطوبه

حبيت فقري وصرت قلاده بجيده
..........ومايقدر القلب يترك حب محبوبه




الزايد...