to be اولا to be

[مقبل الهذيل السرحاني]

شعراء واعضاء منتديات الود الكرام..

جديده غاضبه...!! عسى ان تنال رضاكم واستحسانكم..

قالها لك وابتعد واعتلى شمّ القمم = استوى فوق الغيوم والشعر ساقه رعد
المعالي ما تلين غير لاصحاب الهمم = والله اني يا زمن صامد ٍ كلي جلد
من يروم العز لازم لاجله يشد العزم = ومن رفع راسه لفوق واجب انه ينفرد
والله اني ما ارتضي عيشة ٍ بين الرخم = قالها بي ٍ عظيم يرتجي ذخر الولد
عشت عمري بالصداره ومن عرف قدره غنم= لا اماره لا وزاره يكفي اني مجتهد
مجتهد بالطيب والله اطلبه طلبة نهم = ودي ابقي بالقلوب لا غشى راسي لحد
الحمد للي رزقني من فضل جوده نعم = حكمة ٍ ربي يراها ومن شكر فضله سجد
المعرف لا يعرف والاسم يبقى علم = لكن اسمي بالنحو والصرف يسوى له بلد
احشم اللي هو حشمني والسِلم يبقى سِلم = وانكر اللي هو نكرني واجحده لو هو جحد
فلسفة شاعر يراها يختلف فيها حكم = هي to be او لا to be من يِجد لازم يَجد

لكم مني كل الاحترام

اخوكم

مقبل بن خلف الهذيل السرحاني