توي عرفت أنك مخادع وغدار =توي كشفتك واكتشفت الحقيقه
الحب عندك دون قيمه ومقدار =تنقض مواثيق العهود الــــــوثيقه
ضحيت لك واهديت لك كل الاسرار =وأنت تظاهر باالشعور الرقيقه
أخلصت لك باالحب في سر وجهار =ماحب غيرك من جميع الخليقه
ياما على شأنك تعرضت الأ خطار =وياما تجاوزت الظروف المعيقه
كم من هنوف عارضتني وانا مار =وأقول روحي فيه غيرك رفيقه
أعرضت عنها حيث لي يمك أنظار =واليوم تجرحني جروح عميقه
هذا جزايه منك هجران وانكار =تقطع حبال المعرفه في دقيقه
ياما نسيت أخطاك وقبلت الاعذار =لكن ماتنفع معك ها الطريقه
خلاص أنا بهجرك مادمت بوار =ما أطيق أنا أشوفك وصوتك ماطيقه
العرض الشجري
