أبوي !!!!!

[][دلــع نجد][]

في غيبتك يا بوي عن ذاتي اغيب= يا كيف بسلى يا سنادي دقيقة
وش لي ادور كسب وانت المكاسيب = ولخاطرك والله لبيع الخليقة
بنتك انا يابوي لا يلحقك ريب =علمتني كيف السلوم العريقة
لا ضاقت الدنيا عيونك تراحيب =يصبح وجودي شك وأنت الحقيقة
تعبت من صدر تتله مناديب =يمشي طريق كل شي يعيقه
وتعبت اذم العفن وامدح الطيب =ومن كلمتي بعض العرب مستضيقه
ليت المنايا درب تقطع به الغيب = والله لمشى سكته مع طريقه
وليت العمر باول طراته مقاضيب = بيدي اشده لين ما اروى رحيقه
نقضت ليلي من ورا غرة الشيب =طوحت نجم ونجم يلمع بريقه
سريت سرية "ذيب في خوة الذيب"=وأمسيت في كل المهالك مويقه
وقفت في رجم ضلوعه محاديب =والدمع انا يا بوي نشفت ريقه
النفس عطشى وكل برق مشاريب = واصدها عن مشرب ما اطيقه
وصلت والرحلة جروح وتصاويب =وتكسرت كل الضلوع الدقيقة