يلي تناظرني دلع مدري تناظرني كبر = مابين هاذيه وذيه ضاع تفكير الغشيم
جابتني القدره لها امشي على حكم القدر = والحظ الاقشر والهواء وغواية بليس الرجيم
غشيم في بحر الهواء واقول مثل اية بحر = واثر البلا بحر العيون اللي توقع بالصميم
كلي ثقه عميا واقف مختال وامد النظر = واومي بمسباح امنياتي وارتجي حظن سقيم
اولى امنياتي مركب احلامي على الغبه ظهر = توحي شراعه من عواصيف الهواء يوشم وشيم
حلمت اساقيها غلط واصبحت بي نشوة سكر = ادعي على شط الغرام جعل الغواني للجحيم
حتى اقبلت درة بحر عن القمر تدرى الشعر = قالت ترفق ياغشيم يافاقد العقل السليم
غشيم ما انت بقدها ترى قمرك اصله بدر = وامرين واختر بينهم يالنار ياجنان النعيم
قلت اسمعي اول خبر والا احترى آخر خبر = ترى تساوت كلها يافاهمه جت سيم سيم
ياميرة السبع البحور دنياك مليانه عبر = انتي وانا اجهل غلاك يا اسطورة العشق القديم
وابك العوازم في الكويت وفي سوريا عان النور = وابك الصلب في المملكه ياجاهله زين الحريم
وانتي اسطوره من متى جالك على مثلي أمر = ماعاد باقي غير هذي يا (فريقه ) يا (قويم)
واللي سترتيه انكشف والله امرنا بالستر = اعذرك منهو انذرك منك الخطا فادح جسيم
ويا مطالعتني بالدلع مدري تشوفيني كبر = مابينهن بان لك ياجاهله منهو غشيم
------------------------------------------------------------------------------------------------------------------------------
ملاحظه (فريقه) معناها يافرقا يالوعتي الطويله بالشمالي
(قويم) يعني ياقوم ما اجمل ماقلته
العرض الشجري
