حبيبي ورور قبل اي شي اسمح لي يا استادي انك لا تقارني او توضعني بمنزلة استادي ودكتوري وقدوتي في كتابة مواضيعي هنا في المنتدى الاستاد الكبــــــير / محمــد عبدالوهــــاب فشهادتي في استاد محمد مجروحه وانا لا يمكن انسى فضائله عليا وتوجيهاته البنائه الي لولاها ما كتبت ولا عرفت اكتب فله مني الف شكر وتحيه والله يرده بالسلامه الشي التاني استادي ترى والله ردك وكلامك وحماسك وتفاعلك نزل دمع قلبي وعيني حبيبي ورور كل حرف سطرته هنا لهو اصح من الصحيح احنا درسنا واتعلمنا لكن زي ما قلت حضرتك الرقيب الداخلي شي مهم صح كلامك اذا ضمايرنا ما صحيت وكانت في قلوبنا ( ران ) غطى على تفكيرنا وسحابة معاصي وغرور وتقليد اعمى للغرب تغطي عيوننا اكيد ماراح ندري عن نفسنا وحنتصرف التصرفات البلهه الطائشه لعلمك استادي ورور والله العظيم انا اكتب الموضوع ده وانا في الطريق الى المقهى صادفت جنبي سيارة ليموزين فيها بنتين اتنين ما جذبني اليهم الا كثرة حركاتهم وضحكاتهم لانه كان في واحد شاب للاسف يعاكسهم من الطرف الاخر بسيارته فقامت وحده منهم ( مع العلم انهم الاتنين متبرجات كاشفات ) بابراز ورقة ريال قدامو قلك يعني ايه تعتبره شحات وهو جاي يرقمها لكن اتبين لي الموقف اتبين لي انه الشاب طلع لا يغازل ولا شي وبالعكس طلع غايه في الاحترام وانه البنتين هما اللي جروا عليه وقاعدين يونوا في راس راعي الليموزين انه يقرب السياره جنب سيارة الشــاب بحكم وسامته هدا كله وانا شايفه بعيني وانا ما اختلف على وسامته ولمن طلعت قدامو الريال راح طلع لهم مجموعة خمسميات ملفوفه بمطاط وابتسم ابتسامة ( خبــث ) ووالله يا عمي ما تشوف الا البنت مطرطعه جوه السياره وتنطنط من القهر وتزعق في الليموزين الا ويلحقه طيب يلحقه ليه ؟؟؟؟؟؟؟؟؟؟ ماحبيت اتعب راسي من الظنون حتى ان كان الجواب مفهوم مره تانيه اقولك تسلم يا عمو ورور على اطرائك وشهادتك الي اعتز فيها كتير كتير كتير وان كان في جائزه نقديه ثمينه في المنتدى فغيري اولى بهــا ولست انا الا ذاك الطالب الجامعي البسيط الي ما كتب كل ده الا من غيرته على دينه ووطنه واخوانه والف شكر على مرورك المبـــــــــــهر
العرض الشجري
