موضوع رائع .. والاروع كاتب الموضوع ..
.. كانت عندي عطله 10 ايام من الدراسه قبل اسبوعين تقريبآ
واحترت وين اروح كنت ناوي طبعآ انزل السعوديه لكن الاجازه ماتكفي ولاتسوى
انزل السعوديه والجوء رطوبه وحار هالايام خصوصآ بالدمام ..
فقررت اسير على النمسا بحكم انها قريبه مني 45 دقيقه بالطائره من شاتوتقارت..
وقعدت هناك تقريبآ اسبوع بفينـا ..
الجوء من اورع مايكون ... العرب ماشاء الله عليهم مالين المجمعات والكافيهات .
وخصوصآ الخليجين ..
النمسا ... من الدول الاوربيه
عاصمتها فينا
لغتها الالمانيه deutsch
ويتكلمون 65% الانجليزيه من الشعب كلغه ثانيه << هالنسبه من عندي مو رسميه بس تقديريه ..
شعبها محترم وحبوب ونظامي ..
يوجد الكثير من العائلات الخليجيه بالعبايه والبرقع وتعتبر مشاهد عاديه بالنمسا
ولايوجد مضايقه للعائلات ..
الجوء متقلب ممطر احيانآ .. مائل للحراره بعض الاحيان في النهار
الجوء حلو خصوصآ بالسهرات في شارع الكونتر بالكافيهات
يوجد في النمسا مدن كثيره سياحيه ومناظر خلابه منها ..
زيلامسي -- تبعد 3 ساعات من فينا
شتاد الت -- ساعه من زيلامسي تقريبآ وتعبر قمه في مناظرها الخلابه
يوجد العديد من الفنادق ... لكن زحمه السياح تتعبك كثيرآ اذا ماكنت حاجز من زمان هوتيل ..
رجعت لمدينتي الدراسيه وبديت بالكورس الصيفي .. وان شاء الله نزل السعوديه بدايه رمضان
دمت بود ... واجازه سعيده للجميع
هذي بعض الصور من كميرتي وتصويري ...
هذي صوره من القارب نهر الدانوب
هذي صوره الملاهي الي بوسط فينا
هذي صوره لشارع الشوبنق بفينا
واعذروني لقله الصور ... واتمنى اني وضعت معلومات تفيد الاعضاء ...
العرض الشجري
