وبعده جلست أدور في عبايتي عسى مارشوني أنا بعد تقول الحمدلله عبايتي مافيها شي
ورحو البنات
وتقول زوجي منقهر ويفكر ليش سوو الحركة هاذي
تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا الشباب وقلت لزوجي شوفهم هناك ورى البنات وراح لهم زوجي وبعد خمس دقايق رجع يضحك قالت له ويش السالفة
قال الله يهديهم الإبرة الي شفناها معهم أنبوبات بدون أبره وفيها كلوركس يقولون اللي عجزت عنه الهيئه تكافحهم احنا نكافحهم يقول الشاب لزوجي نجي بدري لأي سوق يسمحون لنا ندخل وواحد من الأمن صديقنا نعرفه بس مايعرف احنا ويش نسوي نلبس بنطلون أبيض او ثوب ونحط في الجيب الواحد 10 أنبوبات فيها كلوركس ونرش عبايات البنات المخصره ويحلف بالله اللي محتشمه مانرشها نرش بس العبايات المخصره
وسمو نفسهم شباب الكلوركس للتبييض...
يقول عددنا اللي في السوق 10 نتقسم واذا خلص الكلوركس الي معنا نروح نعبي من الجالون الي بسياره
وسألهم زوجي ليش تسوون كدا ؟؟
تعرفون ويش قالو؟
قالو هدفنا واضح هو الستر وبس ...
تقول جلسو يحلفون على زوجي لايعلم رجال الامن اللي بالسوق عليهم ..
والله عليهم حركات ماتجي في بال احد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض
واضحوكه للناس
وعلى فكره شفت كم بنت ينعدون على الأصابع تعرضوا لتبييض بلكلوركس
الله يهدينا ويستر علينا
وهذا والله اعلم ترا ما شفت انا بعيني بس ياليته صدق
لاني من جد ادوخ لما اشوف العبايه المخصره