أعطو الأشعار يا شعار هِمّه=شدوا المرفوع حدوا كل طايح
بالحروف إللي لها شده وضمه=جيلنا يارث ثوابت جيل رايح
كل شمّر خال وبناخي وعمه=جسم واحد صب ما قسم شرايح
والمجسم يحتوي عظمه ودمه=ما يهزه كود ياقسم صفايح
شمّر إللي كلها روسٍ بقمه=السناعيس الطنايا أسلم وصايح
كلها ريح الفخر للي يشمه=من بساتينه ورود الطيب فايح
سلسبيلٍ نبعها ما غض جمه=من نهور العز ما مده شحايح
ما يفرق جمعنا باسباب نمه=في عرين أسباع ما نسمع نبايح
كم شلعنا ناب باقي فيه سمه=وكم نبذنا الحسد يا راع الفضايح
في قيمنا نعطي الموضوع ذمه=من يقيم الدين يعطيبه نصايح
ومن تكلم بيّن الحكمه بفمه =يا وزنت العقل يرجح له رجايح
في زمان الصوت نبغي صوت لمه =بالمخيله شوفوا البراق لايح
بالقناعه تتقي شر المطمه =ما يرد الفوت نوحة كل نايح
ما تقاس الناس بشكاله وكمه =كلنا بعيون والسنا فصايح
الغنايم ما تجي خطوه وخمه =والأوايل قالو الناس الربايح
شوفوا المنشاء مزونه مدلهمه =واقعٍ ملموس ما فيها مزايح
وحدوا بالدرب راية كل يمه =عارفين الجد ما يبغى مدايح
يا تعلا صوت قولو صوت تمه =دام فيه الخير نامل بالنجايح
قدموا من صم علم النفس صمه=وإتركوا كثر اللوايح واللوايح
أعطو الأشعار يا شعار هِمّه=شدوا المرفوع حدوا كل طايح
بالحروف إللي لها شده وضمه=جيلنا يارث ثوابت جيل رايح
كل شمّر خال وبناخي وعمه=جسم واحد صب ما قسم شرايح
والمجسم يحتوي عظمه ودمه=ما يهزه كود ياقسم صفايح
شمّر إللي كلها روسٍ بقمه=السناعيس الطنايا أسلم وصايح
كلها ريح الفخر للي يشمه=من بساتينه ورود الطيب فايح
سلسبيلٍ نبعها ما غض جمه=من نهور العز ما مده شحايح
ما يفرق جمعنا باسباب نمه=في عرين أسباع ما نسمع نبايح
كم شلعنا ناب باقي فيه سمه=وكم نبذنا الحسد يا راع الفضايح
في قيمنا نعطي الموضوع ذمه=من يقيم الدين يعطيبه نصايح
ومن تكلم بيّن الحكمه بفمه =يا وزنت العقل يرجح له رجايح
في زمان الصوت نبغي صوت لمه =بالمخيله شوفوا البراق لايح
بالقناعه تتقي شر المطمه =ما يرد الفوت نوحة كل نايح
ما تقاس الناس بشكاله وكمه =كلنا بعيون والسنا فصايح
الغنايم ما تجي خطوه وخمه =والأوايل قالو الناس الربايح
شوفوا المنشاء مزونه مدلهمه =واقعٍ ملموس ما فيها مزايح
وحدوا بالدرب راية كل يمه =عارفين الجد ما يبغى مدايح
يا تعلا صوت قولو صوت تمه =دام فيه الخير نامل بالنجايح
قدموا من صم علم النفس صمه=وإتركوا كثر اللوايح واللوايح
سطام الشمري
,,,,,,,,,,,,,,,,,,,,,,,,,,,,,,,,,,,,,,,,
أخوي ألشاعر / سطام
بارك ألله فيك كفيت وفيت ,,,
قصيدة جزلة تجد ألمعاني في مجد شمر ,,
ومن غير قصور في قبائل ألجزيرة ,,
وذكر شمر عطر فواح في أفواه ألرجال ,,
قبيلة فخرها من أفعاله ,,,
صح ألسانك ودام فخر وعز راسك ,,,
أقدم لك خالص ألشكر وعظيم ألتقدير ووافر ألأمتنان ,,
على قصيدتك ألشامخة كشموخ شمر ,,
وأمل قبول أطيب تحياتي ,, وعظيم أعجاب بالقصيدة ألعذبة ,,,