عجزت ارسم لك الصورة

[نايف الشريف]

عجزت أرسم لك الصورة على البرواز يالغالي=أنا كيف أرِسِمِكْ صورة سراب وماهِ يرويني؟
أنا كم مرة ٍ أرسم وأخِطِكْ صورة إفـ . بالي =خيال ٍ لارسمتك فيهِ مَنتي يوم بتجيني
سَهَرت الليل هوجاسي يجيبك يومي إلحالي =ولا يوم ٍ أمُر البال وفي يوم ٍ ذكرتيني
ولجل الحب انا ليلي سريته فيه ترحالي=خيال ٍ لاسرابي مدري لا وينه يوديني
قضيت الليل أفكر فيكِ دمع العين همالي=مِسَحْت الدمِعِ لاهل وتِبَلَلْ منه يديني
ليالي الهم ما تـِقـْصَر ليالي عِدَتْ إطوالي=ليامني سهرت الليل ِ طار النوم من عيني
خيالك وين ِ ماناظر اشوفه دايم إقبالي=اغظ الطرف لجل إنه يروح ولا يلاقيني
ولامني غـَـمَضْت العين جيتي عِدَت أشكالي=تِوافي ثم تصد وثم تروح ولا تناديني
انا ماعاد أبا أقوى الحب زايد فيه غربالي=أبا أرحل وإن رحلت اليوم ماظنيت تلقيني
عساي القاه مخراجي مثل ماكان مدخالي=اروح وباقي الذكرى ترى يالزين تكفيني
فمان الله ياحب ٍ كفايه فيه ماجالي=وفيت الحِب لكن مالقين اللي موافيني
بَرجّع قلبي إلـ . وقت ٍ وكان القلب به خالي=كفاك الحِب ياقلبي كفايه نار تكويني