رسااااااااله

[العبدلي]

[poet font="Arabic Transparent,3,blue,bold,normal" bkcolor="transparent" bkimage="" border="groove,4,gray" type=0 line=200% align=center use=ex length=0 char="" num="0,black" filter=""]
أنا لو كان يوجد في زماني للنصايح سوق=يمين الله لو بيعت بغالي السعر لشريها
وانا لوقلت لك شكراً أحس ان لك عليّ حقوق=نصيحه جاتني منك اقدرها واغليها
حروفك وصلت بظلما وشعت في سماي بروق=وبرق الحق لوشع بـ ليالي الظلم يخفيها
هلابك يابعد حيي هلا بالصادق المصدوق=ترى رايتك بيضا رفرفت باسمى معانيها
وانا بحكي عجايب عالم العاشق مع المعشوق=ابحكي صورةٍ طمست ظواهرها بخوافيها
ياكم بيضا جميله كلها زين وحلاة وشوق=شعاع الشمس يخجل من حلاها انه يحاكيها
ومن داخل لها صورة ظلام وعالمٍ محروق=خيانة دينها واخلاقها هدمت مبانيها
وترى حنا بزمانٍ ياخذ العلّيا ردي مصفوق=وزيزوم الرجال يموت ماشاهد مراعيّها
وسواد الليل يرجف خوف من شمس وضحى وشروق=ونهار الصبح خايف خطة الليل وبلاويها
ولو مافيه جاهل ماأضن ان الزمان يروق=ياكم حقوق عاقل جابها الجاهل موفّيها
وانا لوكان ليّ حق بزماني واضحٍ مسروق=لقوّمها وقعّدها ورجل الحق ماثنيّها
ترى في قوتنا نحتاج قوه تمتزج برفوق=ونحتاج الصراحه لو تضايقنا مباديها
ونحتاج لنصيحه صادقه لو تكسر الصندوق=مدام الجرح بعد الكسر يبرا من دعاويها
وانا لو كان يوجد في زماني للنصايح سوق=يمين الله لوبعيت بـ بغالي السعر لشريها
[/poet]

شعر العبدلي
12/1/1425