لو ترفضيني انسان جيتك قصيده
حرف حزين وحرف فيه السعاده
فيها قديم الحرف صافح جديــــده
وبيض المعاني ليل الاحزان ساده
ابا اوصلك رغم الليالي العنيــده
ومهما تبين من زمانـــــي عنــاده
جرح نزف كل الوفا من وريـــده
وجرح بعزة نفس اعلن جهــــــاده
وجرح بكى لحظات كانت سعيده
وجرح عظيم الشوق اروى فــــؤاده
وباقي الجروح حروف شعري تزيده
من ماضي الايام هـــــــم ونكـــــــاده
رحتي وجيتك...بكل جرح وضديـــده
جرح الفراق وجـــرح صافي وداده
إما اقبليني انسان روحه قصــــيده
والا ارفضيني حرف حزن وسعاااده
اهدااااء للغاليه شهد.. ولأحد الاعضاء يعرف نفسه......
العرض الشجري
