للشعر وقفه وللرجاجيل وقفات
ماهي على حكي الردي ياالنعامه
من عقب اسمه رمز فعلٍ وطولات
يذكر بميدان الكرم والشهامه
تشهد له الايام بالطيب جولات
ماتشهد الذكرى بيوم انهزامه
هو سيدٍ لامن تداعته الاصوات
هزالقلوب الي عليها ملامه
ماتقدرالجمله توفيه كلمات
يرفع حروف اليا بطاري مقامه
واليا توفى نذرف الدمع دمعات
نبكي على الي للمراجل علامه
والا انت قطعت علوم ودعايات
خبلٍ يشيل المهزله في سنامه
ماشره على الي كل علمه نفايات
اشره على الي ريحوه بكلامه
خلوه يسهج في كلام التفاهات
ينهق وينعق في كلام البهامه
ـــــــــــــــــــــــــــــــــــــــــــ
عبدالعزيز بن مجول الشعلان
العرض الشجري
