عزيزتي كيف تمشين زوجك على كيف كيفك ؟؟
1-في اول ليله زواج وريه العين الحمراء خليه يسكنك في افخم هوتيل واطلبي كل الاكل حتى
لو ما اكلتي بس نحاسه من اول يوم خسريه طبعا بيقولك انتي تامرين امر وهو وده يذبحك ...
واذا طلبتي الاكل وجابه لك قولي انا ما احب هذا ابي شيء ثاني استقعدي له ..
2-نصيحه لاتستحين ترى الحياء ما منه فايده بعدين يصير يستقوي عليك ..اذا قال كلمه ردي عليه بعشر.
3-الحين نجي للسفر اذا سافرتي شري هدايا لاهلك كلهم فردا فردا لاتنسين احد وقولي هذا طبع عندنا
خليه يعرف انك بنت عز <ولو انك خرطي ..
4-خليه يجيب لك شغاله وسواق ولا تبينه يخليك تنفخين فهالبيت ؟؟ بعدين روحي للسوق ودوجي
ودوري لين تقولين بس ..
5- فاتورة جوالك اذا كان عندك جوال سابقا حولي البريد عليه وسعي صدرك كلمي كل اللي تبين
حتى لو اهلك اول شارطين عليك شروط انا الفاتوره ما تتعدى سعر معين انت ما عليك منه
خليه تصك الاف..<عشان تتصفقين ..
6- تدلعي عليه وقولي انا ما اعرف اطبخ تبي تاكل خل الشغاله تسوي ولا جب من مطعم .
وتدرين وش اخرتها < بيعرس على الشغاله
7-اعزمي صديقاتك واهلك عندك دائما ومدي لهم سفره من هنا لهناك وعلى حسابه ..
لاترحمينه ابدا ترى الدلع ما ينفع .<بيتفل على وجهك عادي امسحيها بس اعزمي .
8- خليه يفتح لك حساب في البنك ويحط مصروف شهري خاص فيك ما تصرفين الا على نفسك
المصروف لايقل عن 1000 ريال حتى لو كنتي موظفه ...وسعي صدرك الدنيا فانيه وانا اختك.
9- دائما الفي عليه كلام وقولي فلانه ماشاء الله على زوجها توه جايب لها ساعه الماس تجنن
وعلانه جايب لها طقم وانا بعد ابي مثلهم <قايله لك بتنصفقين :d
10- كل صيفيه خليه يسفرك قولي انا متعوده اسافر حتى لو ما قد طلعتي برا ديرتك ..
و ترى العود من اول ركزه وانا اختك :d
11-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن
انه يكون يوم الخميس والسهر لين وحده بالليل بس ..
12-ازعلي وقلبي عليه اذا ما نفذ لك طلب ودموع التماسيح الله الله فيها تراها تفيد احياناً..
13- لاقد تمدحين وحده عنده بيصير يسالك عنها واذا قالك وشلون فلانه قولي موشغلك
وحطي اصابعك في عيونه تعرفين ما ينعطون وجه ..
ملاحظه#
حطي النصائح حلقه في اذينك <جعلها تقطع ..
·لاتبلشيني اذا تطلقتي وتقولين اناالسبب لا يا اختي شوفي انت وش مسويه ..
الخوافه ارجوها لاتقرب هالنصائح
ملاحظة اهم :- ماايد ولا كلمة قلتها
تحياتي 
قوية عين
العرض العادي
