)
(
)
على كثر العتب واللوم يا صـاحبي فاق
حنينٍ داخلي لك والغـــــــلا يمك دعاني
على كثر الجروح وكثر زلاتك أنا مشتاق
احط بكفك جروحي وتسهيـدي وحرماني
خريف العمر لازمني ولا اظــــنه بعد ينطاق
وزلاتك عذابٍ اشـــــــــرق بدربي وعناني
جروح العشق لو تبرا بهمسٍ أو بطول عناق
مداني دافــنٍ جرحــــــك بقلبٍ يطلبك حاني
مع ذلك لو اتغلى واعاند واخفي الأشـــواق
تظل الروح بعروقي ونبضٍ وســـط شرياني
واظل اعشق غرابيلك وروحي لدنيتك تنساق
ولو جرحك نهب عمري وغربني عن أوطاني