اعزائي ... جميعا
مشكوووره اختي عاشقة الجنه على ماطرحتي من موضوع مفيد جدا
و انتي فيه تناولتي جانبين
1- دفع الفلوس عمال على بطال
2- القرقيعان
اولا الفلوس هذي موضوع مهما تكلمنا فيه بنرجع لنفس النقطه
كل انسان لازم يعرف ايش قاعد يحط فلوسه عليه و ليش لانه الله بيساله عنه في قبره
فما المفروض يتهاونون بالموضوع علشان و الله البس عيالي احسن شي
ترى الشي الزين موجود و باسعار ممتازه .. لكن عقدة النقص هي اللي ماتخلي الانسان يفكر قبل ما ينفذ ! ( وجهة نظر )
ثانيا القرقيعان ... واضح من الردود كلها ان مااحد منكم يعرف وشو القرقيعان
هذي عاده قدييييييييييييييييييييمه جدا ... موجوده عند بعض من اهل الخليج و على فكره اللي يقولون ان السعوديه ما فيها ترى فيها اولا بالمنطقه الشرقيه ثانيا من عادات اهل القصيم القديمه بس بشكل مختلف شوي عن اهل الخليج
ماعلينا هذي العاده عباره عن فرحه يستانسون فيها الصغار
ناس يسوونها بنص شعبان و ناس بنص رمضان و ناس بالاثنين و ناس في نهاية شعبان قبل رمضان... و لها اهازيج معينه و فيها توزع الحلوي و المكسرات على الاطفال ...
ماهو عيب ان الناس يكون عندهم عادات و تقاليد او ممكن نسمي القرقيعان تراث قديم و كان له طعمه اللذيذ في يوم من الايام... لما كانت الدنيا بخير
الحين انقلبت الايه و صار القرقيعان ما ينظر له كتراث قديم و انما صار يشوفونه مظهر من مظاهر الشهر ... و يسوون له الحفلات و الخرابيط اللي مالها داعي
مما يؤدي الى القول بانها ظاهره مرفوضه او بدعه او ما شابه !
الله يهديهم و يسدد المسلمين ... و يلهمهم طريق الصواب
مشكوووره اختي عاشقة الجنة على طرح الموضوع
و سلمتم