ألف بنت .. من العذارى .. ما يسدّون بمحلّك
أنتي بقلبي .. إذا جات الحقيقه .. بألف بنت
يكفي إني لو عرفت إن الظلال الفرد ظلّك
قلت حيّا الله وصالك ..جيتك اسأل واستبنت
كم لطاريك أنتشي وآقول من قلبي لعلّك
في طريقك لي مع النسمه إذا توّي ذهنت
أستفيق وبسمتك تشرح لي الموقف وكلّك
قصد عيني وأسمعك وآقول أنا دوبي فطنت
في غيابك .. كنت ضايع بين مدلولك ودلّك
مرّه أنخا الذكريات .. ومرّه بشعري زبنت
أقطفك يشموم وأضحك من زماني وأستحلّك
وأحتمي بعهدونا اللي نوضها كانت وكنت
صدقيني دائما بإسمك مع الأطلال أشلّك
شيلت البحّار.. بألحان البحر.. وآقول زنت
إيه زان الحال بك.. يالغاليه .. وآدوم خلّك
خلّك الولهان فيك .. اللي حلف ما يوم خنت
وألف بنت من العذارى ما يغصبوني وأحلّك
وما يسدّ بموقعك في داخل القلب ألف بنت
سعد الشمراني