كل مافيك يصبح لي على خـــير
انت خير الصباح وخير غيـــــــره
ضحكتك لي سماء وعيونك الطير
والعمى لي وطن وانت البصيره
رفرف الحبر بعماق الطباشــــــير
وابتدا ليل يامطول هجيــــــــــره
قلت يمكن بتشربني من الـــــبير
قلت لي هالصدر مليان حيـــــره
عاد شف من يصدق هالمعاذيــــر
يوم تصبح طموحاتك كبـــــــــيره
ياغلا قلت لك تصبح على خيـــــر
والمشاعر لها سكه وديــــــــــره
ماصعدت الجبال وقلت لك طـــــير
لين فهمتك ان البعد خـــــــــــيره
ليش تبقى وانا ميت للآخـــــــــير
ليش ترحل وانا مليان غـــــــــيره
خانك الحظ وشفاة التعابـــــــــــير
تنكسر لابغيت اجيب ســـــــــيره
كيف احبك وانا مليت تبــــــــــــرير
وانت حتى غرامك تستعـــــــــيره
( بقلمـــــــي )......