روائع سعد بن جدلان (1)
أخواني وأخوتي
لنقف وقفه مع الشعر الحقيقي
ومع الشاعر الرائع سعد بن جدلان الاكلبي
(1)
آه يـا قلـب ياللـي دايـمٍ فـي ذهـول***=***والله انـه ثقيـلٍ ليـن جــوه الثـقـال
يـا قطـاة العبيّـه يـا هـيـام الـذلـول***=***يـا عيـون النـداوي يـا رقبـة الغـزال
نور وجهك على من شاف منـك القبـول***=***نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول***=***انـا قلبـي يحبـك يـا حبيبـي تعـال
كان قدّمـي حـدٍ فالحـب راح امهبـول***=***والله انـه خطيـرن لا يجينـي اهـبـال
المحبـه جملهـا مـرسـلٍ وامعـقـول***=***لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول***=***ان حبـك لحـال وحـب غيـرك لحـال
(2)
انا ويـن ابلقـا يالاجاويـد فاعـل خيـر====حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر====وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر====ولف قلبـه افـروخ الصواريـم وهبلتـه
تولعت في فـرخٍ قضيـبٍ يتـل السيـر====ابي لمحـةٍ مـن نظـرة الحـر وإسبلتـه
صغيرن ب سنه غير عندي ماهوب اصغير====يا مغلاه فـي قلبـي ويـا كبـر منزلتـه
اجمع سمان الهرج خوفٍ مـن التقصيـر====والى جيت ابشرح له كلامـي تهيزلتـه
يجيني منه هيبة محبه.. سحـى.. تقديـر====اقابلـه عنـدي علـم واروح مـا قلتـه
(3)
لعـل ربٍٍ جمـع يـوسـف ويعقـوبـي=====يلّمـنـي مــع وليـفـي واتهـنـابـه
اللي من اجله ما غيـر احسّـب اذنوبـي=====والقلـب كـنّ الدبـا الحنّـان يرعـابـه
احتل طيش المشاعـر واخلـف اسلوبـي=====وجميـع مـا مرنـي مـنـه اتهجـابـه
الكلمـه الطيّـبـه لا قطـهـا صـوبـي=======والا نظرلـي بنظـرة عطـف جـذّابـه
فرحت فرحـة صـلاح الديـن الايوبـي=====ساعة تولّـى علـى المقـدس وصلابـه
(4)
الشدايـد يـا جميلـه بالازمـات اختبـار====ينعرف فيها الظلال الطويل مـن القصيـر
كل ما اذكر حالتك بين غـار وبيـن نـار====راحت الدنيـا بعينـي عبـوسٍ قمطريـر
تحسبٍ حبـك محـاه التشـدد والحصـار====التشـدد فالمحبـه هـو الشـر الشريـر
شغلهم ضدي وضدك يعمّـر لـك وقـار====في ضميرن ما سكن فيه قدامـك عشيـر
زارعٍ لك بخشةٍ من الزرار إلى الـزرار====نبتها بالمسـك والعـود الازرق والعبيـر
شد حيلك لا يصيبـك فشـل والا انهيـار====لا تصغّر قيمتك وانت فـي عينـي كبيـر
لذة صبّار الهـوى مثـل لـذة الانتصـار====لا تصدّق من يقول الحسـد مافيـه خيـر
لا تغيرب ما جرى من قنـا مثلـك يغـار====كل شـيٍ ينشفـا فيـه ميصالـه عسيـر
الذهـب دونـه حراسـه وبيبـانٍ اكبـار====والدرر من دونها هيبـة البحـر الغزيـر
غير لا تيّس وتكتب علـى نفسـك قـرار====يدفعك سوء التصرف إلى بـاس المصيـر
لولا شحّي فيك جيتك اجهار مـن النهـار====غير ما يصلـح مقـامٍ بـلا رايٍ بصيـر
فرصتي ويقت حرارٍ على ماكـر حـرار====مـا يعـوّد فالمكـان الربيـب الا البعيـر
للحديث بقيه ولي معكم وقفة اخرى
اخوكم ذيب الجــــــــــــــــــــوف
العرض العادي
