ياهلا ويامسهلا شاعرتنا الخطيرة!
صح لسانك شاعرتنا الكبيرة!
لاهنتي ولا هان هالمنطوق العذب! والذرب!
وماعليك زود يالغاليه
والله ان كل بيت من ابياتك عن قصيدة
تقلبي ردي المتواضع
اتمنى ان يرتقي لذائقتك البديعة! الفسيحة!
اقول:
اهلاً هلا اسوق شعري بترحيب=في شاعره شعره تعدى الخيالي
شعرك يفوح بعود مع هيل مع طيب =ياغالية ياعالية بالكمالي
تسلم يمينك سطرت بالمواجيب=شعرً كبير وطال للعز طالي
كنه كما سطوة شطير المخاليب=(الحر الأشقر) لا نزل من عوالي
نزول ماهو يقصد الهزل والعيب=نزول عالي القدر! والقصد! غالي
انتي كما (سهل امتنع) للمطاليب=سهل بتواضع! وامتنع! عن سؤالي
ابي أسألك؟ في حق علام هالغيب=(شفرة؟؟) ولا يقراه غيرك! بدالي
سؤال ؟مبهم؟ والنوايا دواليب=وانتي بعرش الشعر ياهملالي
خلص سؤالي والرجا فيك مايخيب=خلص وإخلاصك! بعيد المنالي
واحيان يخطي ظن واحيان بيصيب=انا بشر من خلق جل الجلالي
انسان ينسى دوم ما فيه تثريب=لكن ترى ماكنت في يوم سالي
لا تجربي! يابنت ماحتاج تجريب=لي من جنون الشعر كل الهبالي
ماعقلن ياكود! سيد اللواعيب=لعاب بابياتٍ تهز الجبالي
ما انساه والله لو غزى راسي الشيب=دايم معي وان رحت دايم ببالي
اشكي عليك وشفت ناسٍ مشاغيب= هل الحسد والعذل وقيلن وقالي
لك ياخطيرة لو قريت المكاتيب=اشوف طيفة وقت هل الهلالي
العرض العادي
