اهلا ومرحباً بأخي الغالي والحبيب
فهد الشمري
إنقطاعي حقيقة لم يكن باليد , ولكن نظراً لإرتباط مسبق
اعتذر عن الغياب عن الاحبة
اقدرك واقدر مرورك وتشريفك لي
انت وبحق حين تزور متصفحتي تضيئ انواراً بمقدمك
كل الشكر اخي فهد على مرورك وتشريفك لي
نايف ودي اقول لكشي صرا حه بما انك
انت تكلمة عن وزن القصيده
انا في مضى قمت بنقد بعض الا عضاء
على بعض المشا ركات ولا كن اخذوها بزعل وعصبيه
وكان موقفهم جدا محزن بنسبه لى
لذالك لم اعد احاول نقد احد ولا كن من الرد ممكن تعرف وش في خاطرى لك
انا اقولها بصرا حه قريت اول اربعه ابيا ت فقط من قصيدتك
الموجوده اعلا ه
ثم نزلت لخانت الرد ورحبت فيك دون اي كلا م يخص القصيده
للا سباب التى انت تعرفها انا تكلمت عن قصيده سا بقه لك والله استحيت اني اتكلم عن هذه القصيده للا سباب داخليه وللحفاض على العلا قه الموجوده بيننا خشيت ان يقول الا عضاء محمد ما ينقد غير نايف
على العموم اللى ذكرته انت لا حضت منه الكثير في اول اربعه ابيا ت لك والبا قي ما قريته بصرا حه ولا كن صدقني غيا بك عن المنتدى يحزنني كثيرا واشكرك على تفهم مشا عرى الصا دقه تجاهك
اخي الحبيب في الله
محمد الجبيل
معك كل الحق فيماتقوله , ولكنك تعلم انني اتقبل التقد , بل وارحب به واستفيد منه
هنا انا اول من إنتقد أبياته وقصيدته
فحين تنتقدها اخي الحبيب او ينتقدها الغير
كن على ثقة انني اطرب لذلك النقد وارحب به
ولكن : لابد ان يوضح صاحب النص المنقود وجهة نظره
وتوضيحه لوجهة نظره لايعطي دلالة على انه غير متقبل للنقد
قبل ان نناقش الامر وهذا مايسعدني خاصة حين يكون النقاش مع من احبهم في الله
اقول قبل ان نناقش الامر
اريد رأيك في القصيدة بعد التعديل
بعض التغلي لايعوّد جهاله=ماني من اللي معطي الوجه مقفيه
ماهمي اللي راح قفا لحاله=لوهو يبيع انسى ولاني بطاريه
منهو بغاله شي قام إتكاله =والا يقفـّـي قبل لاشي يثنيه
بكره ليامن جا وجالي مجاله=اخذ نصيبي وإن بغا شي نعطيه
هذا مقام وادم عندي مقاله=منهو يجينا لازم ٍ يوم ونجيه
القلب ماني زايد ٍ فشتعاله=هادي ولامن شب بالنار نطفيه
ياما تعبنا عقل زادوا اشتعاله = كنّي صغير ٍ بنت بالزين تلهيه
يركض وراها ماتنوّي مناله=حلم ٍ نصيده ثم لافقت نخطيه
منهو بغى قلب ٍ خلي وإنعطاله=من غير مايلقى تغليه يبكيه
الحب كنه عرض ما فالبقاله=خلّي معك نقد ٍ نتبيعه وتشريه
الحب الاول راح مافي بداله = حب ٍ علينا دين ولابد نوفيه
حب ٍ لغيرك ضيعته بستحاله=تاخذ هواك وتعطي ماكان يكفيه
ياخل حبي لاتظنه هباله =حب ٍ قديم وطول عمري مربيه
مثلي عرف للحب كيف؟ إنتقاله = خل ٍ على درب المحبه مخاويه
خليك للي ضو حبه طفاله= قلبه ظلام وماعرف درب يمشيه
يطرد سراب الحب لامن بداله=ضامي ولاهو لاقي ٍ حب يرويه
الحب نبع و يشربه من صفاله=كلما صدق فالحب يشرب ونسقيه
مابه تغلي بالهوى او جهاله=منهو جفانا يوم لابد نجفيه