آهات قصيده مشهوره جدا غناها الفنان الرائع خالد عبدالرحمن باحساس جارف
وكتب كلماتها الاسطوره الامير الشاعر" عبدالعزيز بن سعود ال سعود" واستطاع ان يخلق لنا جو رائع من الرومانسيه التي لم تعد موجوده بعصرنا هذا فدعونا نستمتع بآهـــــــــــات" السامر".....
اهات من طول العنا طاولتني
ونفسي من الفرقا وحالي صخيفه
جارت علي من الفراق وقصتني
غزت ولكن مانوت بالنكيفه
بهمومها اللي شفت منها كوتني
هذا الذي خله حياتي مخيفه
باكر يروعني وانا فيه فتني
اقول ليت الغيب يبخل بحيفه
خيل السعاده بالهوىخالفتني
وخالفت معها عيد قلبي وريفه
هبت هبوب بالنيا عطشتني
وكم غالي قبلي ظما من وليفه
ليت الليالي عن غرامي نهتني
ولابدا زرع الامل منك هيفه
والا انها في غايتي خيرتني
واختار انا مرباع قلبي وصيفه
خل جيوشه بالمحبه غزتني
وانا اسير للعيون العفيفه
اغلى هجوس طول الايام جتني
هاك الهجوس اللي تجيني بطيفه
الماضيات بغيبها ما انصفتني
والمقبلات ارجي عدلها خليفه
اتبع ظنون بالهوى ما شفتني
احسب حمولي بالمحبه خفيفه
واليوم ظالمة المحبه طوتني
طي الورق يوم انطوى به خريفه
واشباح ياسي بالهموم اعترتني
وانا علي اسباب صدك كليفه
اشيل حتفي راضي فوق متني
و اروح نفسي من حياتي معيفه
واقول للي بالجفا عذبتني
عسى الشقا من بيننا بالنصيفه
شربت من فيض الشقا واشبعتني
دنيا مع الاحزان ضدي حليفه
اتمنى ان تنال القصيده على اعجابكم
وتقبلوا خالص تحياتي اختكم اسيل البدر