مريت الأطلال القديمة وناديت
من كان أنا وياه جيران وأحباب
الله من دمع على الرجم هليت
يوم ان صوتي مارجع بالفعل غاب
من شدة الموقف بلا شك ونيت
ونة كسير جناح في راس مرقاب
من لامني لايقول بالحب عانيت
مامربه لوعةولامره انصـــــــاب
فرقا حبيبي فتت القلب تفتيت
في داخلي نسفه مثل نسف الارهاب
جاب الأسى والهم عبوة دناميت
فخخ بها شريان قلبي والأعصاب
مالي حدا غير البكا والتناهيــــت
واللي يعاتب قلت له يكفي عتاب
ياناس ياعذب المعاني تمنيـــــت
ان الصبر يجدي ويوقف على الباب
يمنع دخول هموم تنصاني البيت
تنساق لي باحساس ماتركب اركاب
وش رايكم فيها عسى ليت ياليت
ألقى لها وصفة ولووصفة أعشـاب
منقوووووووووووووووول
أخوكم وابنكم..................... عابر سبيل