والنعم فيك ياالعتيبي وصح لسانك ولاعليك زود يابن الهيلا , انشهد انّك احرجتني بسخا حرفك , ولانقدر نتأخر على الكريمين اللي مثلك , ولك منّي هاالرد المتواضع , ولايوفيك حقك الله يحفظك ...
يامعرّب الخال للطيب منتوج
................. منتوجه العز / والسيف / والجـاه
انشهد انّه بالعرق ظاهر وممزوج
.................. واضح ٍ للخلق وسمـه ومنشـاه
يالعتيبي بدونك مانبعد ولاندوج
.................. لاصرت نوماس ٍ على الطيب مرباه
ترى بعض الهرج هزل ٍ ومبجوج
.................. ماتبلعـه نفسـك ولا قبلنــاه
والبعض كنّه باالجـزل منسـوج
.................. يسحرك همسه ورمسه وملقــاه
لوجودك نحوج/ ياكـيف مانحوج!
.................. لاصرت للفريده رمح ٍ مسنّـــاه