السلام عليكم ورحمة الله وبركاااته
ليلة رمضانية مع الاخت الغاليه كريستاله ..~
كريستاله
( وِد ذهبي )
من مواضيعها
سبعون مسأله في الصيام
http://vb.al-wed.com/showthread.php?t=293558
Photoshop is nothin’ without creativity (19 photos)
http://vb.al-wed.com/showthread.php?t=293360
ما هي العادات التي تحرص على ممارستها في هذا الشهر الفضيل؟
قراءة القرءان, الأستغفار,متابعة قنوات الذكر,نحب نجتمعويا الأهل ونتكلم في أمور الدين وقصص الأنبياء, إلى جانب تجهيز الفطور طبعا
متى بدأت صوم شهر رمضان المبارك ( يعني كم كان عمرك)؟
ما أذكر بالضبط, تقريبا بسن العشره والله أعلم
هل صمت أول يوم كاملا ؟
ما أعتقد, صمت بس مع شويه تجاوزات بشرب الماي
أكلة تحبها برمضان؟
الفتّه أحبها كثير, والسوب " الشربه"
موقف طريف حدث لك برمضان؟
هو موقف محرج أكثر منه طريف, بالعاده لمن أجوع بطني يعمل أصوات " زي زغزغة العصافير,صو صو" أحم , المهم كنت بالدوام بالكليّه وكان علينا أمتحان الميد, الأستاذ وزعنا وحطني جدام بالقاعه وجنب الشباب , الحين توهجت بطني يصوصو وانا مبتلشه لا يسمعون السيمفونيه ويعلقون علي, والله لا عرفت احل الأمتحان ولا قدرت أرفع راسي من الفضيحه,أزمه وعدت ههه هذا الموقف اللي أذكره
برنامجك اليومي برمضان؟
أقوم من النوم أرتب سريري, أساعد خواتي بترتيب البيت , نقرا قرءان ونسمع قنوات الذكر, أجلس ادردش ويا الأهل, بعد صلاة الظهر احضر للفطور مع خواتي وامي " بصراحه ما أعرف أطبخ" بس أساعدهم وأحيانا أتفرج عليهم بس هع, وش أقولج, بعدها نفطر ومرة ثانية نرتب المنزل بعد المهرجان الكبير اللي يصير بالمطبخ, بعدها نتحضر لصلاة التراويح , نترتب ونتبخر " بخور خفيف"ونروح للصلاة بالمسجد , بعدها ويانا سمره مع خالاتي وجاراتنا نسهر تقريبا لوقت السحور, بعدها نتسحر ونقرا قرءان وانام.وهكذا دواليك
هل سبق لك صيام رمضان بعيدا عن الأهل؟
أيوه أيام الدراسه بالكوليج 4 سنوات " معاناة السكن" , والعام صادف رمضان الأجازه ورمضت مع هلي ولله الحمد
كم يستغرق ختمك للقرأن خلال الشهر الفضيل؟
شهر, وأحيانا ختمه ونص بالشهر
متى الوقت اللي تكون فيه رايق ومتفرغ خلال هذا الشهر الكريم؟
بعد صلاة التراويح
مائدة إفطار لديك حدد خمسة أعضاء تدعوهم إليها؟
ودي بكل الأعضاء, بس دامج ذكرتي خمس نقول " مها, ترف الصبا, ملاك بدنيتي, سراب,ملكة الرومنس"
مائدة سحور حدد ثلاث أعضاء غير المدعوين على الفطور تدعيهم إليها من الأعضاء؟
شمس القوايل, تحدوها البشر وأتعبت السهر
هل يزداد أم ينقص وزنك خلال رمضان ؟
ما أكل كثير بسرعه اشبع, يمكن ينقص ما أركز
تصرفات تنبذها خلال شهر رمضان؟
الكلام البذئ, مشاهدة المسلسلات,كثرة النوم بدل العباده
ليلة العيد هل تنام ؟
قليل, تقريبا 4 ساعات
يوم العيد كيف تقضيه؟
وناااسه , الفجر نروح صلاة العيد نصلي بعدها ناكل أكله شعبيه " العرسي ولحم الشوا نسميه المظبي بالمحلي" العائله كلها تجتمع ب بيت كبير العيله بيت جدنا" , بعدها نسلم عالأهل والأقارب
ونزور جيرانا ونطلع مع البنات" الشلّه" للبحر , بعدها الكل يروح بيته يطلع مع الأهل كشتات , عيدنا تقريبا 7 أيام وتكثر فيه الطلعات والشوا .
رسالة شكر توجهها لأحد أعضاء المنتدى خلال هذا الشهر؟
اشكرك ع الموضوع الرووعه
رسالة عتب توجهها لأحد اعضاء المنتدى خلال هذا الشهر؟
ما أعاتب احد بالعكس كلهم حبايبي
رسالة صفح وسماح توجهها لأحد أعضاء المنتدى ؟
أتمنى من الكل الصفح والسماح إذا اخطيت بحق احد فيهم
أيهما تختار /
النوم المبكر أم السهر؟
احب السهر
الانترنت أم مشاهدة التلفزيون؟
الانترنت
الإجتماع مع الأهل والأصحاب أم الجلوس لوحدك؟
الاجتماع مع الأهل
حضور أمسية شعرية أم مباراة في كرة القدم؟
هههه الكل احبهم , بس المباراة تغلب " إذا فيها فريق احبه"
هل لك أقارب في المنتدى ؟ اذا ممكن تذكر لنا اسمه وصلة القرابه ؟
لا ,لا يوجد, بس كل الأعضاء اعتبرهم أخوان وأعزاء
وترقبووا ليلتنا الرمضانية القادمة غدا ان شاء الله 
العرض العادي
