هل لمشكلتي من حل؟

[صــ الناي ــوت]

السلام عليكم ورحمة الله

اخواني الاعزاء اعضاء المنتدى ان مادعاني للتسجيل في منتداكم الخير هو مالمسته فيكم من حب وترابط وحرص على المساعدة فأرجوا منك ان تساعدوني ولا تملوا من قراءة قصتي فاني والله تعبت نفسيا وسأكتب لكم كل شيء بالتفصيل فارجوووووكم ساعدوني ولا تبخلوا علي

بداية قصتي كانت في شات حين تعرفت على بنية واي بنية كانت هذيك كانت قمة في الطيبه والاخلاق
البنت كانت تشتكي من مشاكل عائلية والسبب هي زوجة ابوها الله لايوفقها الي ورتها الويل وخلتها شبه معزولة في غرفتها وذنبها الوحيد انها بنت زوجها من ضرتها الاجنية

كم من المرات كانت تبكي لي وترجيني اساعدها وكنت انا ما اقصر بالي اقدر عليه وياما كانت تنام وهي تكلمني ودمعتها على خدها

تصوروا يااخواني من حقد مرة ابوها انها زوجتها غصب من واحد ماتبيه عشان بس تفتك منها والي نتج اصابتها بانهيار عصبي ودخول المستشفى وبعد ماطلعت تطلقت وظلت ذيك البنت المحطمة الي يرق لها اقسى قلب بالدنيا

ياخواني البنت كانت ماتعرف احد ولا لها صداقات وحاولت قدر المستطاع اساعدها تتعرف على بنات عمها الي كانت هي خايفة يكونون مثل اخواتها ومرة ابوها

والحمد لله قدرت اقوي علاقتها من بنت عمها (ن) الي كانت والله نعم الصديقة وكانت اقرب شخص لها بعد امها الي اصرت انها تبقى بالسعودية بس عشان بنتها

بعد فترة قررت البنت انها تسافر مع امها للشرقية وفي الطريق صار عليهم حادث وتكسرت البنت والام توفت الله يرحمها

تصوروا ياخواني وش حالتها بعد ماتوفت امها والانسانة الوحيدة الي كانت تعتبر هالبنت انسانه مو مثل الوحوش الباقين حسبي الله عليهم

ياخوان انقطعت علاقتنا بعد هالسالفه قرابة خمسة شهور وبعدها رجعت وهي يائسه من شي اسمه حياة قطعت قلبي هالمسيكينة وش اقدر اسوي لها شي

لين مافكرت اني اقنعها تتزوج وتفتك من هالحياة عسى الله يرزقها بابن الحلال الطيب الي يصونها

والحمد لله تمت الخطة وتزوجت هذاك الشاب الي احلى من العسل شاب حشمها وقدرها واسعدها واكرمها وظلت زوجته تكلمني بالمناسبات والاعياد مع اني ويشهد علي ربي اني طلبت منها انها تتركني لان مايصير تخون زوجها لكنها رفضت وظلت على هالحال قرابة سنة لين سمعت خبر انا عمري ماسمعت مثله بحياتي من زينه

حبيبتي جاب الله لها توأم ولدين سمت واحد باسم ابوها والثاني باسمي والله ياني فرحت لها فرح مافرحته لاحد وقلت البنت خلاص صارت باحسن حال
ولكن صار شي ولله الحمد على كل حال

البنت بعد ماولدت رجعت لبيت ابوها عشان فترة النفاس ولما جت اجازة زوجها جا للرياض يشوف عياله وهو في الطريق وقاعد يكلمها ماسمعت البنت الا صوت صرخة وبعدها صدمه واتضح ان زوجها صار عليه حادث وتوفى الله يرحمه ماشاف عياله

ياناس تقطع قلبي مليون قطعة كم من المصايب جا لهالبنت والحين بدال ماتكون لحالها صار معها ولدين لازم تراعيهم ولا حول ولا قوة الا بالله

كلمتني بنت عمها الي طلبت مني اهديها لكن انا بذاك الوقت محتاج من يهديني شي مو معقول الي صار لها مصايب وحدة ورا الثانية

كلمت البنت كم يوم وكل يوم احاول اهديها وصوت بكاءها يقطعني للحين مية قطعة لين ماشاب راسي

وفي يوم قالت لي اني بسافر ببعد عن كل شي يذكرني بالمرحوم الله يرحمه وطلبت منها انها ماتقطعني من اخبارها وهي قالت لاتوصي ياخوي مابقا لي غيرك بهالدنيا

ياناس مر شهر وشهرين واربعه وسبعة وسنة والبنت للحين ماتصلت

ياناس وينها وش صار عليها طمنوني عنا تراني والله تعبت وهلكت

مابي اكلمها انا بس ابي اعرف هي حية والا ميته هي مبسوطه والا حزينه ياناس صدقوني بيجيني انهيار عصبي وش صار بالبنت

انا اضمن لكم ان البنت ماقطعت المكالمة من نفسها اكيد صاير شي بس انا وش بيدي وش اقدر اسوي تكفوووووووووووووووووووووووون

حتى الجوال الي كنت اكلمها منه الظاهر انه صار في يد مرة ابوها وهذي المشكلة

ياناس اسألكم بالله ساعدوني ابي اعرف اخبارها تكفووووون

صدقوني لانوم اذوقه ولا عيوني ترضى تكف الدمع لين تذكرتها

وينك ياوخيتي ابي بس اسمع اخبارك بسسسسسسسس انتي حية والا ميته انتي بصحة والا مريضه والا وش فيك

تكفون تراني ماكتبت هالمشكلة لاحد غيركم قبل سااااااااااعدوني


اخوكم المحترق على اخته
صوت الناي

[صــ الناي ــوت]

أحبتي اعضاء المنتدى الافاضل

مالكم اعرضتم عن مشكلتي وما ابديتم رأيكم فيها

يعلم الله كم أنتظر حلولكم وآرائكم فلا تهملوني

لاتكونوا كمثل الزمان جفاني وما عاد يرغبني

اخوكم

صوت الناي

[صــ الناي ــوت]

سألتقي بخيالك في دجى الليل يادجى
وأرسم سود المحاجر والعيون في ظلمة الرجى

[mmx]

صوت الناي
السلام عليكم ورحمة الله وبركاته
اخي الم تحاول ان تستفسر من بنت عمها عن سبب انقطاعها عنك وعن اخبارها
جميل منك ان تكون مهتم بها بهذا الشكل ولكن ربما ارادت ان تنسى كل ماضي
لها وان تبحث عن حياة افضل في ظروف افضل من الصعب ان تجد شخص
يهتم بك كهتمامك بهذه السيده ولكن عليك ان تنساها وان تهتم بحياتك حتى ياتيك
الخبر الذي يطمنك عليها
اسال ابنت عمها عنها فربما تجد ما يريحك ويطمنك

عندي سوال لك
هل كلمتها كل هذه المده من خلال الشات ولم تقبلها مره واحده على الاقل ؟
اخبرني كيف كانت تتم المقابله بينكم من خلال النت والهاتف فقط ام كان هناك
لقاء باربع اعين ؟

اخوك
mmx

[صــ الناي ــوت]

اخوي الغالي تقبل مني كل تحية وتقدير على جهدك في حل مشاكل اخوانك
شكرا لك اخوي على كل شي





اخوي الحبيب رقم بنت عمها ضاع مني من زمااااااااااان والا كانت انحلت المشكلة
مابقى في يدي الا رقم واحد كانت تكلمني منه احيانا لكني اعتقد ان هالرقم بيد زوجة ابوها حسيبها الله سبحانه وتعالى
وجواب عن سؤالك انا كنت اكلمها بالنت والجوال ومرة وحدة بس الي قابلتها وجه لوجه
لكن يشهد علي ربي من فوق سبع سماوات مالمستها ولا لمسه
اخوي الغالي صعب إني انساها هالبنت تجيني والله حتى في احلامي وانا نايم

ياخوي صدقني لو اعرف انها تبي تتركني وهالشي مستعد اني احلف انه مهوب صحيح
بس صدقني كنت بنزل عند رغبتها وماعاد انا بقرب لها انا مابي الا انها تكون متهنية لو على حسابي


الي ابيه يانااااااااااس اني اعرف هي حية ولا ميته هي مبسوطه والا حزينه وش اخبارها وش اخبار اولادها

ارجوك اخوي يا ابن فلسطين سااااااااعدني

ارجوكم ياخواني سااااااااااعدوني

[مٌجــ"أنثــى"ـــرد]

مرحبــــــــــــا
اخوي ... صوت الناي ...!!


بصراحه مشكله كبيره على ناس طيبين مثلك ....!!
انا اقدر حزنك وحيرتك ..
واقدر كل الظروف اللي مريت فيها ...!!!

اعتقد ان الحل الوحيد لهذي المشكله
انك تتصل بالرقم اللي معك ..!!
ولكن مو اانت اللي تكلم .. وحده من اخواتك .. او وحده قريبه
انت تثق فيها ..!! تسأل عنها وتشوف اش اخبارها ..!! على اساس
انها صديقتها ..!!
عشان ماتسبب مشاكل لنفسك .. او مشاكل للبنت لو انت اتصلت
وكان الجوال بيد مرت ابوها .. الله يهديها..!!


صوت الناي .. نصيحه لك ...!!
لو ان شاء الله انحلت مشكلتك وازمتك ...!! وعرفت توصل
لاخبارها ..!! واطمنت ..
ابتعد عنها ارجوك .. عشان لا تتعلق فيك اكثر ...
فتترك لها جرح اكبـــــــــر ...!!
اذكرها بالدعاء انت ..
وان شاء الله ربي يخفف عليها دنيتها
ويكون في موازين حسناتها يارب .......!!!

تحياتي الاخويه لك ......!!

[صــ الناي ــوت]

اختي الكريمة سلينا شكرا على اهتمامك
لاتتصوري إني مافكرت في الحل الي قلتيه
بس انا ماعندي اخوات كلنا في البيت انا وأخوي وامي وابوي
لاتتصوري اني بقول لامي لان هذا مستحيل تعرفين مجتمعنا وعاداتنا







مرة فكرت اني اخلي وحده من صديقات اصدقائي تسوي الدور
بس للاسف وياكبره جرح في نفسي مالقيت تقبل من صديقي الله يسامحه
وبعدين منهي الي بتقبل تساعدني وهي ماتعرفني



الظاهر ماعاد فيه اي حل لمشكلتي
انا منيب طالب الا بس اعرف وش اخبارها وش سوت بعدي
صدقوني هالبنت هي اضعف من انها تواجه هالدنيا
وينها يانااااااااااااس وينها يااااااااناااااااس



لو كان بيدي النسيان ماكان هذا حالي لكن وش اسوي بالله عليكم
كل ما املكه بيدي سويته ولا فيه فايده




دجى طمنيني عنك ارجوووووووك