هلا بالحلوين ..
اليوم نكمل الخرابيط .. في عالم الملاحيط ..
اليوم قصة رعب .. اللي قلبه يعوره لا يدخل ..
قبل كم سنه .. كنت اراجع احد البنوك .. وجمعني الله باللفت مع واحدن شرواكم
اول ما ركبت سلمت عليه .. ورد علي من دون نفس .. واصكه بدعوه بقلبي ....
قلت رح ياشيخ جعل ذا الاصانصير يوقف فيك .. اوووب .. و ما امداني اكمل الدعوه
الا الاصانصير موقف فينا في الدور العاشر ..
الاخ اللي معاي سوداني .. وطفا الكهرب .. صرت ما اشوف الاسنونه اذا ضحك
وطفى المكيف والمراوح .. الله لايوريكم .. شوي واستفرغ من الريحه << الله يحوم كبدك
المهم من الحر السوداني ولا شي خبطها نومه .. وانا بديت اتجرد من ملابسي
قطعه قطعه .. حتى بانت عصاقيلي .. اشوى ان الزول نايم .. ولا كان اقدم المدعو
جلست اتشهد .. وصليت ركعتين .. وما صحت
المشكله جوالي ناسيه في المكتب .. وفجأه ..كدا كدا ياتريلا ..<< نغمة جوال السوداني
انا من جد انقهرت .. نعنبو بليسك جعلك العيطي .. كل ذا الوقت بغينا نموت ومعك جوال
وساكت .. ابو التناحه ياشيخ .. ( وجه معصب )
قلت بالله اضحك .. علشان احدد مكانك بس ..
بكل برود رد على الجوال بكلمه وحده .. آآآآآآآآي .. وقفل ..
قلت له .. بالله يازول انت صاحي .. ولا تستهبل ؟
قال .. عليك الله ما ترفع صوتك داير شنو ؟
قلت .. داير الجوال .. اتصل على الصيانه ..
قال .. انت مجنون ؟
قلت ليه ؟
قال .. اصلو الجوال بس يستقبل .. البطاغه مخلصه ...
قلت .. اقول .. مالت عليك على اللي يركب معك مره ثانيه .. ارجع اخمد خاموووود ..
فجأه حسيت بالسوداني .. ينتفض .. وعيونه تتقلب .. آآآآآآآآآتشووووووووووو << عطس
ومن قوة العطسه ارتج الاصانصير .. وولع الكهرب ( قسم )
لان المشكله كان فيه التماس .. ويوم عطس اشتغل الاصانصير ..
وعدنا الى قواعدنا سالمين ...
ادري بتقولون نصبه ومن هالكلام .. لكن هذا رقم جوال السوداني ..
بس تراه مقطوع
منقوووووووووول