السلامـ عليكمـ ورحمهـ اللهـ وبركاتــــــــهـ
يقول الشاعر الجاهلي رضا تكر/
عيني و قلبي وعطفي ورقة قلبي ماتكفيك قلي وش تبغى وامر وانا اعطيك
هنا يضرب الشاعر اروع الامثال في التضحيه لحبيبته فأعطاها عينه املا في رضاها ثم الحقها بقلبه ثم قدم لها عطفه لعله يحظى بحبها ولكن هيهات فحبيبته رأسها يابس ولكن هذا الحبيب لم ييأس فقدم لها رقة قلبه << هذه حول المصارين شوي . فلم ترضى فختم هذا الشاعر قصيدته بقوله قلي وش تبغى دلالتن على وفائه وعدم يأسه وتضحيته وفداءه واستعداده للتبرع بجميع اعضاء جسمه في سبيل حبيبته لذلك انصح الطلاب ان يحذو حذو هذا الشاعر وان لا ييئسوا وان يجتهدوا في دراستهم ووو الخـ .
حينما تقوم من النوم على صوت زقزقة سيارة البلديه وتغريد القطاوة فانك تحس بمتعة الحياة الابديه ، المفعمه بالتفاؤل والنرجسية الا على طاري البلدية مره من المرات كنت ماسك الجريده وارسم شنبات واحط سكسوكات أي وجه اشوفه رجال ولا حرمه العب في وجهه بس جتني صورة مدري هي صورة حرمه ولا رجال ولا حيوان ولا نبات ولا طحالب ؟؟؟؟
البراءة في شكل انسان << ايه هين افلقني ان انسان . واقرا تحت الصورة مكتوب المجرم شارون
اوووه هذا اللي صجونا فيه شارون المجرم شارون الوقح شارون الكلب اهم شي اني حطيت له شنبات وذبيت الجريده ورحت افتح الكمبيوتر وادور في هالمواقع وكل مادخلت موقع الاوالقاهم حاقدين على شارون مسكين شارون رحمته لو انكم مكانه وكلن يكرهكم بالله ماتضيق صدوركم
فتحت المسنجر والقى واحد حاط النك نيم /اقتلوا شارون المجرم /قلت خلني اشوف وش عنده ذا بعد مايواطن شارون لا تصير مخفه وتعطي الناس الباسوورد ولا بطاقة الصراف
/ الدبـ النحيفـ/
سلام عليكم
/اقتلوا شارون المجرم /
وعليكم السلام
/الدبـ النحيفـ/
بالله اذا ماكان عندك مانع تقولي وراكم على شارون كلكم ضده ياناس خلوه في حاله ؟
/اقتلوا شارون المجرم/
هييه يالحبيب انت ماتدري منهو شارون ؟
/الدبـ النحيفـ/
مدري بس الظاهر انه ذاك اللي يجي في الاخبار كل يوم مع ياسر عرفات ويقعدون يحبحبون بعض ويسوون حركات ميب زينه
/اقتلواشارون المجرم/
عليييك نور هذا اللي يطلع كل يوم في التلفزيون مغير يقتل في الفلسطينيين ويهدم بيوتهم ويعذبهم
/الدبـ النحيفـ/
شف ياخوي بروح انام
/اقتلواشارون المجرم/
خذ راحتك يالغالي
/الدبـ النحيفـ/
راحتي معي....مع السلامة
/اقتلوا شارون المجرم/
؟؟؟
ترا /الدبـ النحيفـ/ ماهوب رادن عليك لو تموت اما لانه مسوي لك حظر او انه يواجه مشاكل مع شركة الاتصالات او اشتراكه قاضي
قعدت افكر في شارون هاللي مزعجنا ورا ما يقتلونه ولا يشوفون له صرفه لكن انا ابوريه الشغل ذا المعوق اخذت السماعه وزهمت على الاستعلامات
طوووط طووط
تسعميه و خمسه سلامو عليكم
نعم من تبي
ياخوي انت اللي داق وش عندك؟؟
اييه صح ابي رقم شارون
طيب شكرا لاتصالك
الرقم هو : واحد اثنين ثلاثه اربعه خمسه سته سبعه
زا نمبر ايزززز: ون تو سري فور فايف سقس سفن <<< الله العالم انه مصري
كتبت الرقم على الزولية <<< هالحركه تفك ازمات خبركم الواحد اذا بغى قلم مالقاه واذا مابغاه لقى القلامه في كل محل وارفع السماعه وادق على شارون
طوووووووووط طوووط
الو من معي
معك عمك الدبـ النحيفـ
ياهلا وسهلا
لاهلا ولا مسهلا شف ياللي ماتستحي ان ماطلعتا من فلسطين هالحين انت وشلتك بتشوف شين ما زد شفته
شارون-اقول انثبر بس
طق صك السماعه في وجهي والله لاوريه ذا الفقمه واركب سيارتي وامسك خط فلسطين وانا ماغط والا واحد ياشر لي واسفط ؟؟ انا : هاه وش عندك هو :ابد والله لكن اشوفك مدرعم حبيت اسألك وين بتروح انا: ابروح لشارون الثور وبطلعه من فلسطين هو :ويييييين انت تعديتا فلسطين الحين انت في شمال تركيا وترا مافوقنا شي كله بحر انا : اجل وين فلسطين هو: شفها تحتنا اول تقاطع لف يمين بتلقى لوحة كبيره مكتوب عليها اسرائيل انا : ماقصرت يالغالي هو: ولو اهم شي تشوف لنا صرفه مع ذا الفقمه انا: كخخخخخخ حتى انتم تسمونه الفقمه شف يالحبيب انا مامسكت خط وتركت اشغالي الا وانا ناوي هالمعوق هو وشلته قاتلهم قاتلهم لاحول ولا قوة والله وامشي على وصف الرجال وشوي وانا واصل واوقف عند راعي الجوازات وينزلني ويحط المسدس في راسي ويقول /خيييير مابقا الا هي سعودي وجاي لاسرائيل انا : اقول انثبر بس وافصخ النعله والفخه على جبهته ومابغى غيرها واخذ المسدس اللي في مخباته واخذ الفلوس واشوف يهودي محجر لبزر فلسطيني ويشوته واجي وامعط شوشته واسدحه في الارض واخلي الولد الفلسطني يطامر على كرشته قعدت ادور في القدس وكل ماشفت يهودي قتلته الين خلصوا كلهم<< ماعاقت.والحريم رحمتهم وخليتهم جواري عندي ما بقا الا شارون الا والقى بيت شارون رنيت الجرس فتحت لي زوجته الدبا قلت وين شويرين قالت من يبيه << حلوه ذي .قلت قولي عمك الدبـ النحيفـ اللي كلمك اليوم يبيك قالت طط..ططيييب وراحت تنادي شارون وجا هو ووجهه لابس صروال نص وفنيله منشقه من عند ابطه وكرشته مطيحه وسره يطل من تحت فنيلته الصفرا شارون / من انت؟؟ انا/ عمك يا حمار
شارون/؟؟؟ انا/ حب راسي ولا ترا بقتلك شارون/اقول اطلع يالله ولا ترا ابذبحك واتغدى فيك اليوم
انا/ ههههه ضحكتني انت وسرك شف ان ما طلعتا انت وشلتك من فلسطين هالحين قسم بالله ان تشوف شين مازد شفته شارون/ اقول ضف وجهك بس واطلع المسدس واحطه في كرشته انا/شف ترا
ما عندي يمه ارحميني تطلع من فلسطين ولا لا شارون/ هاااه اااي ايييييه اييييييييه خلاص بطلع
انا/ هع هع هع هعععععع ما فيه طلوع انت محكوم عليك بالقتل المؤبد<< وشلون تجي ذي
شارون/ لا لا تكفى ويرحم والديك انا/ خلاص رفعت القلسه وعقبها اخذت شارون ومرته ونطلتهم في
عشة الحمام اللي فوق سطح بيتهم وقفلت عليهم واخذت مكرفون وقلت يااااااااااااااااااهل فلسطين
ياااااااااااااهل فلسطين تراني كتلت كل الاسرائيلين وما بدهاش وما بكاش الا شارون ومرته بدي
حاكمهم عقب الصلاه<< عتيبي متفسطن<< على وزن متسعود
واروح للمسجد الاقصى واصلي ويوم طلعت ومعي بوديقارد فلسطيني الله يخيسه ريحته ثوم بس جسم الله يأخذه وادخل بيت شارون والقاه يصيح واولع لمبه في وجهه وابدى الاستجواب وهو ما غير شغال صياح انا/ الحين تصيح يالخسيس يوم قتلت نص المسلمين تصيح؟؟شارون/ تكفى سامحني
انا/ حب راسي واسامحك << حركات مبزره شارون/ امبواااه انا/ مافيه سماح انت بتنقتل الحين
شارون / وهو متوازي ورا مرته الدبا لا لا لا ارجوكـ انا/ الا تعال منظرك هذا يذكرني بمحمد الدره
اللي قتلته انت وكلابك قلي ليه قتلته هااااه؟؟؟ شارون / والله ما كان قصدي قصم بالله ما كنت ناويه كنت ناوي الجدار اللي وراه انا/حلو حلو عاش مصرف طيب مجزرة مدري وشو وشاتيلا اللي في لبنان ليه سويتها ؟؟ شارون /والله اني منيب اقصد اقتل احد كنت اجرب قنبله وجو اللبنانيين يتفرجون وماتوا كلهم انا/ لا يا شيخ ؟؟؟؟ هذا واحد اسرائيلي مهوب خوينا وفي غمرة الاستجواب لهالفقمه والا ياسر عرفات جاي يركض وهو يجر براطمه وناصيني يبي يعطيني بوسه كفرات/ امبببببووممومواوااااااااااااااه انا / الله يحوم تسبدك انت وسعابيلك وش تبي ؟؟؟ كفرات / امببوومومومومواااااااااهه انا/ اقلقت امنا تراك وش عندك ؟؟؟ كفرات / وك الله ينصرك وبصراحه بعد اللي عملته كررت اني احطك مستشاري الخاص انا/ بعد بعد والله ولك وجه يالخاين لا ومستشارك اقول اقلب وجهك لا افش براطمك الحين بعدين تعال انت وش عندك كل يوم راز عمرك في هالجرايد من اللي لاعب عليك وقايل انك زين؟يالله برررااااااااااااا اطلع برررراااااااااااااااااااااا
الرجال جته سكته قلبيه عقب التهزئ اللي جاه والظاهر انه مات<< الله يرحمه .عقبها ربطت شارون ومرته وعلقتهم فوق شجره وخليت المبزرة يرجمونهم ويجون الفلسطينيين ويشيلوني ويذبوني فوق زي ناصر الجوهر يوم تاهل المنتخب ويشيلون اعلام عليها صورتي يحياااااا العددددددل يعيييييييييش
دبدوووووووووووووب يموووووووت شاروووووون يعيييييييييش السمك في الماااااااااااء <<< مشكله اذا جاك فلسطيني يستخف دمه. حشد كبير من الفلسطينيين يرفعون شعارات مدري وش مكتوب فيها بس اكيد شي زين وجاني كبير قبايل فلسطين يترجاني الشيخ محمود / ولك دبوو نحيفوو بدنا اياك تصير ملكنا انا / لالالالا صراحه منيب فاضي ووراي مسؤوليات وبجيب امي من بيت خوالي ارجوك اعفني من المنصب الشيخ محمود / ولك فيش غيرك ينفع ملك ابوس ايدك تصير ملك انا / دامك ملزم ماعندي مانع وامشي في موكب عشان اروح لقصر الرئاسه ويجيبون لي ذيك السيارة اللي وش طولها وانا اعيي ابمشي على رجليني << ابوووووووووووك يالتووووووواضع
والعالم تحبحبني <<الله يحوم تسبودهم هم وسعابيلهم .و البنات يحبحبوني بعد وواقفين سرا عشان اوقع لهم اوتوقرافات وهالعالم طايره فيني معجبه تنتظر دورها بينما يساقطون عليها وهي تبتسي و بينما انا اوقع لاحداهن اوتوقراف ...............................اذا بنعلة تستفهم في جبهتي
ااااااااي وارفع راسي ؟؟؟ عسى مهوب اسرائيلي !!! بس انا قتلتهم كلهم واناظر والاهو اخوي الصغير ؟مجمع نعال في كرتون ويرجم فيني انا/هاااااااااااااااه وش تبي اخوي/ابي اروح للبقاله
انا/ الله ياخذ بليسك طيرت هالحلم من عيوني عشان بقاله واركب السيارة وانا واصله معي ودي اني مكمل الحلم مدري وش بيصير عقب مااصير ملك فلسطين خصوصا ان الخطه المستقبليه فتح لبنان
كما قتلت ثلاث عائلات فلسطينيه وهدم اكثر من مئتي منزل وقد اكد رئيس الوزراء الإسرائيلي ارييل شارون انه لن يوقف غاراته حتى يتوقف الاطفال الفلسطينون عن ممارسة الارهاب بحق الشعب الاسرائيلي وقد ادان الزعماء العرب مايحدث في فلسطين مبدين استنكارهم لتصرفات ريئس الوزراء ارييل شارون الرعناء وكذلك استنكر رئيس السلطه الفلسطينيه ياسر عرفات ما يفعله الاطفال الفلسطينيون بالمدنيين الاسرائيليين من ممارسات ارهابيه على حد قوله صكيت الرادو ورحنا للبقاله وخم اخوي كل الحلاو اللي فيها ورجعنا للبيت ورحت لسريري عشان اكمل الحلم حاولت احلم ماقدرت
الظاهر ان الحلم قضى ياحفاسه راحت علينا لبنان قبل الختام ملاحظة مهمه جدا جدا /////
ترا كل القصه اللي ذكرتها حقيقيه 100% وان ما صدقتوا فالحق على اعلامنا اللي مايواكب الاحداث ماغير مع الناس واحلى الليالي وانت ماشي كل ماورد في موضوعي هي امنية لكل مسلم نسأل الله ان تتحقق ونسأله ان يرينا النصر ويرزقنا صلاة في المسجد الاقصى قبل الموت .
اخــوكمـ/ الدبــــ النحيفــــــــــــــــــــــــ ــــ
وتحياتي لكمـ جميعا وكل عامـ وانتمـ بخير وصحه وسلامهـ
الدب النحيـــفوووون الله ينفــخ بطنــك على هالمووضوووع ههههههههههههه
و الله موضــوع ملعــــــووون جـــدف <<<< هالحين هو يسب و الا يمدح يا شباااب خخخخخخخخ
اقتباس
يقول الشاعر الجاهلي رضا تكر/
عيني و قلبي وعطفي ورقة قلبي ماتكفيك قلي وش تبغى وامر وانا اعطيك
لا يا ولــد انت غلــطااان البيت هذا ساااارقــه رضــا تكـــر من الشاااعر الامــوي هشــام عبــاااس خخخخخخخخ
ابد حبيــت اوضح هالمعــلومه للمشاااهدين المنخدعين في شعر رضا تكر اللي اغلبه مسرووق هههههههههه
اقتباس
لم ييأس فقدم لها رقة قلبه << هذه حول المصارين شوي
ما جت معك صح .. انا رحت و شيكت جنب المصااارين ما لقيت الا الركبه و المريء هههههههه
تدري عااد وين لقيت الرقه ؟؟ في الخشـــم و تكثر اذا انســدحت هههههههههههه
اقتباس
زقزقة سيارة البلديه وتغريد القطاوة
لا يا ابو الشباااب تراااك عكستها
هي المفرووض .. تغريــد سيارة البلديه و زقزقـة القــطاااوه <<< كأنه صلحها هالحين خخخخخخخخ
اقتباس
/الدبـ النحيفـ/
مدري بس الظاهر انه ذاك اللي يجي في الاخبار كل يوم مع ياسر عرفات ويقعدون يحبحبون بعض ويسوون حركات ميب زينه
هههههههه عشــان كــذا شـــفــروا لقــاءات ياااسر عرفااات و شاااارون .. اثر يجي فيها حركاااات خخخخخخخخخخ
اقتباس
كتبت الرقم على الزولية
هههههههه طيب يوم كتبت الرقم على الزوليــه وش سويت ؟ .. كيف قطعــته و حطيته في البوووك <<< شوفوا الدلاااخه كيف خخخخخخخ
اقتباس
الحين انت في شمال تركيا
يا هلا و يا مرررحبا .. تجينا في شقــتنا .. تعاال تقهــو نحتريــك
<<< حدك شقه في البطحاء و اعقل و خل عنك تركيا خخخخخخخخ
اقتباس
وافصخ النعله والفخه على جبهته
ههههههههههههه تصــدق عاااد ان فيه خطــه انهــم يصنــفووون النعــله من ضمن الســلاح الأبيـــــض خخخخخخخخخ
اقتباس
وجا هو ووجهه لابس صروال نص وفنيله منشقه من عند ابطه وكرشته مطيحه وسره يطل من تحت فنيلته الصفرا
دقيــقه .. مو كــأن هالاوصــاف منــطبقــه تمــاما عليــك يا الدب النحيف و انت صااااحي من النووم خخخخخخخخخ
الله يرررررجك يا ها الدب و ربي ونســت خشــتي بموضوعك
سيدي وصالكـ زاد عليا حنيني @
. فلم ترضى فختم هذا الشاعر قصيدته بقوله قلي وش تبغى دلالتن على وفائه وعدم يأسه وتضحيته وفداءه واستعداده للتبرع بجميع اعضاء جسمه في سبيل حبيبته لذلك انصح الطلاب ان يحذو حذو هذا الشاعر وان لا ييئسوا وان يجتهدوا في دراستهم ووو الخـ .
ــــ 
اقول الله يسلمني ميـــــر 
هههههههههههههههههههههههههههههههههههههههههههههههههه ههههههههههه هههههههههههههههههههههههههههههههههههههههههههههههههه هههههههههههه
العرض العادي
