صبحكم الله بالخير والرضا والنووور
اببدا اليوم ان شالله يومياتي بس ابسويها علي اجزااء << والله لو انك جوليا روبرتز< اقول اها والله اني احسن منها
<<<<<<<<<< شق شق تبين اليوميات يوم بالاسبووع ولا بالويكند<< انطمي ازين
نبدأها بفترة الصبااااح <<<<<<<<<<< الدواام
ترررن طااط ترررررن طاااااااااااااااط <<صوت المنبه وربي اني من اسمعه احس اني ودي امسك الجوال ارميه بالجدار امد يدي من تحت الملحف واضفط غفووه وارجع انخمد خمس دقايق طبعاً احط المنبه و اوقته علي الساعه اربع ونص <<< يقالي ذكيه عشان ارجع انخمد لي شوي وانام<<< بالله ماتحسون ان هالوقت لذة النووم غير وربي احس ان ودي اغيييييييييييب بس ماقدر وربي ياوكيلتي ان تشوتني من الباب..
<<<<<<<< تحك راسها
طبعاً كل ما اقوم وشوشتي بالسما اتذكر اغنية كوكو الي تغنيها ذيك الله المستعاان بس من حطوها بفتافيت انهبلت ماغير تبلع بنت الايه ولاسمنت ولاشي واحنا ماغير ناكل تمره الا واحنا زايدين عشره كيلو
الموهم مالكم بالطويله ..
اقوووم اسحب رجليني طبعا اختي مسويه الطالبه النجيبه <<<<<< تدرون انها اول ماتوظفت اختي كنت انا الي اصحيهاا واتريق عليها لانها بطيئه اما الحين صار العكس << عاد افهموها
ارووح اخذ لي شور على السريع وارجع البس هذاك الشي حق الصلاة واروكع صلاة الفجر طبعا هذا كله عالسااع خمس الفجر وابدا اكد شوشتي واربطها واحط ميك اب يعني شي صبااحي واخر ورقااان والبس لبسي الي مجهزته من الليل بس فيني عاده سيئه ما ابدا في لم كتبي واشوف جدولي وش عندي حصص اليوم الا اذا صرت لابسه العباة وربي اني اقول الحمد لله اني موب طالبه واروح بالباص خخخخخخخخخخ
طبعاً اهم شي عندي شنطتي ..وملف التحضير .. وكيس قهوتي اذا كان دوري القهوه عاااد اتحمس .. وياويلها الي يكون دورها القهوه وماتجيب القهوه عقابها اسبوع تقهوينااا ..
اطلع للصاله الاقي امي وابوي مرتزين من صباح الله خير امطخهم حبتن علي روسهم اشرب كوب شااي واغمز لاابوي انه قد حان وقت الذهاب <<< طبعا اذا كنا متراضين اما اذا كنا زعلانين مع بعض اشيل عفشي وانزل تحت الصاله وهو عاد يعرف الباقي...
وعلي بال ماتنزل السندريلا حقتنا الي هي اختي المصوونه نلبس عباياتنا ووننطلق مع الفذر طبعا مسوي ابوي انه الطالب النجيب فديته يودينا لمدارسنا يعجبني هالشي بس الي مايعجبني في ابوي واحس اني ودي اكسره اذا ركبنا معاه الصبخ يشغل الراااادووووا وتكون علي ام بي سي واذا سمع اغنيه قال يالله صباح خير ويفرررررررر القناة علي قناة الريااض وووووووووع احس تجين حمووضه وانا اسمعها المشكله انا اخر وحده تروح للمدرسه يعني اسمعي غصب عنك قلت له مره ابوي تكفي غيرهاا ولاامد يدي ابي اوطي بالصوت الا ابوي سابقني ويخبطني علي يدي يقول مو انتي معاي بسيارتي خلااص اسمعي الي انا ابي قلت له طيب المفروض السائق يريح الركاب الي معاه قام يبحلق فيني يعني انطمي عاد انا انطم واسكت وش اقوول عااد.. عاد هالاذاعه تجيب المغص من جد اذا تبون تنكدون علي احد من الصبح انصحكم فيهاا خااصه هذولااك الي مسوين فيها الصبااح من جده يسوون لقااءت مع الطلاب الاذكيااء و يووقولون لها ذاك اليوم انتي وش تحبي تتخرجي لمن تكبري؟؟ تقول ابي اصير مهندسه كهرباائيه ,,وربي ان ودي اصفقها كف..
طبعا ننزل اختي عند المدرسه وبعدهاا ننطلق الي مدرستي الي مادري وش يحسوون فيه هم ومبناهم الموهم اوصل واضف عفشي وانزل وقبل مانزل اقول لاابوي قول لاامي تزين لنا حلي علي الغدااء طبعاا رده المعتاد وانتي ليه ماتسوين اناظره بابتساامه من تحت الغطااء ...
و الاقي قبالي ابو جهااد صاحب الوجه المشرق هو و لحيته البيضااء التي حال عليها الزمان والله مادري ليه حاطينه هناك البزارين منتشرين بالشارع الي هم عيال التمهيدي وابشركم اكثر شي بالمدرسه عيال التمهيدي و البنات قليل عشان كذا المدرسه احسها مدرسة عيال خخخخخخخخخخخخخخخخخخخخخ
طبعا لمن ادخل لازم اقش لي كم واحد من عند الباب وتعالوا شوفوا البكااء والصراخ الي يقول ابي ابوي والي يقوول ابي امي ومدري وشو يعني انواع القلق من هالمبزره.....
ووهـ تعبت...
اقوووووووووووووووووووووول وربي ان يومي طويل وش ذاااا
خلااااص اكمل لكم بعدين ابي اشووف تعليقاتكم
سي يووات