ماهي لله جيتك يوم جيتي
أكيد قصدك تجرحيني وتعودين
يا ماجرحتي وياما قسيتي
ويا ماصبرت وقلت يمكن تحسين
كنت افكر في حكيك ومتى ماحكيتي
واقول في نفسي سوالف محبين
ويفز قلبي واحترق لو شكيتي
ومن طيبتي اصدق انك تعانين
كنت أحسب انك كثر حبي هويتي
والظاهر انك ماعرفتي تحبين
شريت حبك واحسب انك شريتي
ولقيتك لصدق المشاعر تبيعين
والحين قولي وش اللي بغيتي
مايكفي انك خدعتيني من سنين
قوليلي وش إللي ناقصك ماخذيتي
خذيتي الكثير وماقدرتي تردين
وان كان حكيي ضايقك واستحيتي
لو سمحتي الحين ودي تروحين