ياحبيبي تعال زاد هجرك لي وطال .,. ضاقت الدنيا بعيني ومليت الحياه
طال هجرك حبيبي وانا عندي سؤال .,. لي متى وانت تسمع بعض هرج الوشاه
انت تدري بغلاك جاوز حدود الخيال .,. ليه ياعمري تزوّد على قلبي شقاه
اطلب اللي تبي لو تبي حتى المحال .,. المهم ان خافقك لا يطوّل في جفاه
عاذلي في هواه لا تكثّر بالجدال .,. والله انه روح روحي وانا كلي فداه
حلم عمري وقلبي على لحضة وصال .,. وعد لارهن كل عمري على لحضة لقاه
لو يزيد الجروح اعشقه في كل حال .,. لاجل عينه هان جرحي وكله من غلاه
شلت موتك تعال ولا تعذبني تعاااال .,. دنيتي في غيبتك ما بها طعم الحياه