النوم شي جميل ^_^
طبعاً اليوم كان عندي اختبار وخلصت بدري
وأتصلت بالوالد على أساس برووح مدرسة
اختي <<<بتهاوش معهم
امزح بس بروح اكلم استاذتها الرياضيات
الناس كلهم عطلوو وخلصو وذي مابعد خلصت تقيم
طبعاً خيتوو بصف سادس أبتدائي
لمن دخلت المدرسه يوووه تذكرت يوم اني بزر ^_^
كانت مدرستي اول وهالمدرسه متوارثيينها
اجيال يعني كل العايله مشاءالله متخرجين منها
المووهيم
دخلت ووصلت لغرفة المشرفه الا أستاذاتهم
كل واحد بزاويه ونايمه
سلامات يا أم الشباب انتي وياها وانا اقول وراكم ماخلصتو البنات<<< طبعاً اتحدث مع نفسي
المهم الا الأستاذه تنتبه لي اهلن تفضلي قلت هلا
قالت يووووه ملاك سبحان الله ياسرع الدنيا
تذكرتني هالعجوز كانت تدرسني بصف اول
قلت اهلين استاذه وكيفك وكيف دراستك وين وصلتي الحين
ثالث ثانوي <<< تبي تصغر عمرها قدام الأستاذات الجدد ^_^
قلت لا وين استاذه خلاص الحين باقي سنه واتخرج من الجامعه
قلت سبحان الله مشاءالله لا لا شوفي شكلك كنك بالمتوسط كنك امس
طالعه من الأبتدائي ياسرع الدنيا
وقامت تهذر شوي وانا جوا نفسي ابيها تخلص
قلت وين مشرفتكم ابي اكلمها عن التقيم سلامات
المدارس كلها خلصو وغابو واخذو شهادتهم وانتم
يداومون بذآ الحر قالت والله المشرفه غايبه
واذا عالتقيم اطلعي فوق وكلمي استاذتهم الرياضيات مابقى الا هي
وماخلصتهم قلت طيب شكرآ
وأطلع فوق واسمع استهبال وصراخ
عاد تميلح هالبنات انتي مين
ام مين اخت مين ^_^
وانا ساكته ماكلمهم وصلت للفصل تبع اختي
وشفت كيف البنات قدام هلأستاذه وكيف صراخ وأزعاج
فوق راسها
ولمن شافتني الأستاذه من جد من جد استرجعت ايام طفولتي
وتذكرت صديقاتي كيف كانو يهبلون بذي الأأستاذه ياعمري عليها
هي مو طيبه الا الطيبه ذابحتها وماتعرف تصارخ والبنات قليلات ادب
ماينعطون وجه المهم لمن دخلت واهلين ملاك وش اخبارك وشلونك
مشاءالله كبرتي ^_^ <<<يعني بجلس صغيره مثلآ
المهم وانا احاول اكلمها وذا البنات مزعجات
والي تصارخ بوجه استاذتها والي تقول استاذه غصب قيميني
وهي ياعمري حسيتها شوي الا بتصيح
عاد ملاك دينها ولا دين الغلط عصبت عليهم
وفجاءه قلت
خير ان شاءالله وش قلت الأدب هذي
الا كلهم صخووو ^_^<< سكتوو يعني
ويناظروني مصدومين
قلت كذا علموكم اهلكم الأحترام والادب
وين احترام المعلم مادريت الا الي تجلس بمكانها
والي طلعت من الصف والي بلمت تناظر
واستاذتهم تقول شفتي ياملاك والله انهم مهبلين فيني
وانا اناظر البنات ويقالكم معصبه الحين ^_^
قلت كيف تبونها تخلصكم وانتم كذا
والله ان سمعت صوت وحده لأنزل لمدريتكم واعلمها
ترآ ذي استاذتي وماأرضى عليها <<وانا جوا نفسي ماسكه الضحكه
ماحب اهاوش
واناظر استاذتهم وابدا اتكلم معها ولازالت اثار الصدمه
معلقه على وجيه البنات
بعد ماخلصت وخليتها تختبر اختي
اسمع وحده تقول
ايه ياليت عندنا اخوات يجون مثلك ياسوسو ويخلون الأستاذه تختبرنا
وانا ميته عليهم ضحك بداخلي جت عقب صديقة اختي
والي يشوفها مايقول بسادس يقول ذي بأولى أبتدائي
وباين ان هالبنت بثره الا شوي تحب تهرج واجد
قالت تدرين ملاك اني احبك
قلت لها شكرآ
قالت سوسو دايم تسولف لي عنك واقول ياليت ملاك اختي
قلت خلاص انا اختك وانا خلاص كنت بتطلع وهي وراي تسولف
شوي قالت انتي بالجامعه اكيد جوالك بلاك بيري << لاحول
قلت لها لا مو بلاك بيري
قالت ليش مو مثل البنات الحين البنات كلهم بلاك بيري
قلت ماحب اقلد البنات احب اكون مميزه ماحب احد يكون مثلي
ولا انا اكون مثل احد
قالت بس انا بشتري بلاك بيري مثلهم
قلت يعني انتي تقلدين وبس شكلك ماتحبين التميز
قالت الا احبه قلت خلاص خليك مميزه ولاتقلدين البنات
قالت طيب انتي وش جوالك<<< لاحول الله ابي اطلع وغثتني
قلت لها بتقلديني موب معلمتك ^_^
قالت لا بس ابي اعرف بعدها خبرتها وجيت بطلع
قالت ملاك ملاك
قلت امري نعم
قلت يالله بنشتاق لك وياحظ سوسو فيك
قلت مشكوره حبوبه يالله باي
ولمن شفت هالبزران بالمدرسه ايقنت
انوو معاد فيه بزران مثل اول
ياحلييلنا يوم انوو صغار
^_^
العرض العادي
