يا ليتني ميت على شاطي الشوق
ولا شفت بحر الغدر منّك وأنا حي
وا قلبي اللي خلفه غدرك حروق
زودٍ على ما قد مضى من جراحي
تجرح وتقفي عني و قلبي فتوق
و ترجع وجرحك من هوى القلب ماحي
كنت أنتظرك وقدرك بخاطري فوق
وإن جيت من غيبة يزيد إنشراحي
عايش معاك الحب عاشق ومعشوق
دنياي كانت ليل وأنتي صباحي
سحرتي قليبي بالأحلام والذوق
والزين والخفة و كثر المزاحي
يا لين صار القلب بخطاك موثوق
مربوط بك دايم كسير الجناحي
بينت له خنجرك و أوسعته خروق
حتى الصياح أضحى صعيب الصياحي
كان يتأمل فيك و يعاين بروق
وأثَرْك لك وجهين نايم وصاحي
الله حسيبك يوم عقيته عقوق
من غير ذنب أثخنت فيه الجراحي