السلام عليكم ورحمة الله وبركاته
بالاول العذر على التاخير يالاصيله
ابقاك الله مشرفتنا خفوق الروح وشهادتك وسام فخر اعتز به
واللى نسويه ماهو الا قطره من فيضك ويعلك الله لو وقتي ملكي
كان تواجدي دائم هنا لكن العذر على انقطاعي عنكم لسبب ظروفي الخاصه
وان شاء الله اني اكون ضيف هنا اكمل جمال ابداع من سبقوني لا اشوهه
وكم هو شرف لي بكون اول من يوجه لي اسالته انتي كريمتي
وان شاء الله نوفي باجابتنا على سؤالك على اكمل وجه
بسم الله نبدا
بخـآطري تـوصـف (عـزة النفـس [ و] الشمـوخ )
والله جيتيني من المكان اللى يعور
وطلبتي بيتين وانا اشوف وصف العزه والشموخ مايكفيها دياوين
وهذي اجابتي باللى جابه هاجسي على هالكيبورد
واعذريني تقصيري ان وجد وان شاء الله اني اوفي بسؤالك
وهذي ست ابيات تبين العزه والشموخ وان شاء الله اني اوفي
عـزة آلنفـس فوق جبآل(ن)شآهـقـه=عآليه في منآصبهآ فوق روس آلشوآهيق
وشموخهآ تربط كرآمـه وآفعآل(ن)لآيقـه=ومن حفظهآ مجلآسه في وسط آلمطآليـق
حآجتين مآيملكهآ غيـره عقول(ن)ذآيقـه=هذآ آلشموخ وعزة آلنفس سآس آلمخآليق
وآلـرجـل بليـآ عـز وشمـوخ بـروح(ن)ضـآيقـه=يعيـش بيـن آلبشـر منهـآن ضمـن آلمطـآفيـق
والفهيـم آللـى رجلـه للعـز دآيـم(ن)سـآيقـه=يسـوقهـآ علـى آلـدرب آلصحيـح وخيـرآلطـوآريـق
عـزة آلنفـس وشمـوخهـآ رآس مـآل(ن)فـآيقـه=وآلآصيـل يتعـب لحفـظ حقـوقهـآ وآلمـوآثيـق
ان شاء الله ان اجابتي توفي على سؤالك وتكون باكمل وجه
واعذريني كان وجد بها تقصير
ادام الله تواجدك في متصفحاتي لان وجودك شرف لي
ادام الله هالتواجد
ولاخلا ولاعدم
اخوك
نايف الشمري