مشكوره اختي لفته على المووضوع
واشكر القصيمي سط سط على الاختيار
انا اليوم قاعد معي امي وقلت لها اليوم بنات الود بيسون معك لقاء
حلو قالت اصبر خلني اتصل بأم هران علشان تروح معي >> على بالها
التصوير في استديو mbc المهم انها رضت انها تسوي اللقاء بدون
حظور المستشاره ام هران
وعطيتها الاسأله ووكانت اجابتها كالنحو التألي
السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
نظرتي له لابوه لابو اللي جابه حرمني من الجلسه مع عيالي كل واحد راكز
خشته عند زاويه من الغرفه ومد رجله وفاكه ضحك مع هالنت
سرقهم بس الا معاد حسيت فيهم مثل اول .. اول كنت اطفش
من خششهم واليوم وربي ادورهم .. مليت من الطفش والله لولا خيتي
ام هران كان زهقت
السؤال الثاني :يا ترى ما هي الأمنية التي تتمنينها لا لهمس الغروب؟
التوفيق والصحه والعافيه والله يرزقه ببنت الحلال والذريه الصالحه
السؤال الثالث :هل همس الغروب مرتب أم فوضوي ؟ وما هو السبب ؟
والله الصدق ينقال قبل كنا ثلاثه انا وخواته اللي يرتبون غرفته
ياملابس مبعثره يامفارش مرميه حتى السرير ماعمره تركه في مكانه
والا الحين مشاء الله عليه مو مرتب ولا فيه امل يرتب نفسه
السؤال الرابع :هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟:
الصدق الشيء اذا زاد عن حده انقلب ضده
وانا مو مدلعتهم ومو قاسيه عليهم
السؤال الخامس :لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا؟:
اغير نفوس البشر اللي تغير واصبح الكل يبحث عن مصلحته
ولاتهمه نتجية هذه المصلحه .. كل يوم ننصدم في ناس وكل يوم
ابنأئي يتظايقون ولما اسألوهم يقولو فلان تغير علي بسبب حاجه
ولكن الشكوى لله ... هذي ظروف الحياه المتطوره
السؤال السادس :ياتري ماهو المستقبل الذي كنتي تتمنينه من الصغر لا همس الغروب وهل هذا ماوجدتيه عليه اليوم ؟
الحمد لله كنت اتمنى مستقبله يكون ظابط او مدرس تعرفون حنا يالكبار نحسب للتدريس حساب مهوب مثلكم مستصغرينه ..
بس ولله الحمد مستقبله اليوم مشرف بفضل ربي
السؤال السابع :موقف حصل لا همس الغروب منذ الصغر ومافارق مخيلتك الي يومنا هذا؟؟
قمزته وهو صغير وحنا كنا كاشتين ركب السياره يبي يقربها
ودعس ابوه وولد خاله .. بس عدت الامور على خير ... وربي اقولها لكم وانا ميته ضحك على هذاك الموقف .. بغى يذبح ابوه
...>>>>> اما انا فاااطس ضحك على ضحكت امي
السؤال الثامن:نصيحة تنصحيننا بها أثابك الله؟
انصحكم يابنات انكم تنبهو لانفسكم وتحافضو على عزتكم
والله يصلحكم ويحفظكم سلمولي على امهاتكم
________________________________
لاحد يضحك على امي والله لاحش اسنونه حش سمعتو
اختار بعدي ( متى بشوفك حقيقه )