ياصاحبي وان كان مافيك مصلوح= بالصيدليه فيه طب(ن) سنافي
ينفع معك بالحال لو كنت مطروح=ويجمًل الرجال لاصار طافي
ياصانعين الطب واجب ومسموح= للشايب اللي صار فيه اختلافي
حرف (ن) لفاني منك يازين طرقه=حرف(ن) جزيل وصعب وايضا معقًدً
نجم(ن) سطع بالنور وازداد برقه=من قوة افلاشه حرق راعي الحقدً
الحب يارايد ترى فيه حرقه=كم في ضمير انسان جمر(ن) توقدً
والحب لامنك تمعنت طرقه=ملعون ابو جد(ن) به العقل يفقدً
يزعج حزين الصوت لاناح ورقه=مايستطيع النوم لو قلت يرقدً
وصدق العذارى واضح(ن) فيه فرقه=لو اخدعتك بعين مع رمش(ن) وقد
وحلو النخل مافيه ياكود عذقه= واحذر من اللي للحبل دوم يعقد
ملاحظه / طرقه الثانيه = جمع طرق
المعذره على الاختلاف اللي بتشديد نهاية العجز ,,,, اختلاف واضح لكن دائما االاستعجال لايفي بالغرض ,, / سكون كلمه قصيده1 وتشديد كلمهقصيده 2
نظمت له عمري حوالين عنقه
جوهر سنيني وبيده يقطع العِقْدْ
ولو تنوخذ راحة البال سرقه
والله لسرق راحة عيونه الرِقْدْ
ولوكل عاذل حب يسعى لفرقه
يخشى مشاريه العرب فيه والنقْدْ
ولو كل بن ادم رضى قسم رزقه
ماكفّف امطـــــــار السماء حسد وحِقْدْ
ولو كل حوّاء تحتوي من تعشقهْ
ماشفتني حاظن يديني من الفَقْدْ
ع .. الكيبورد
لـ / رائد النايف
الـــــود ,,,, طبتم وطابت اوقاتكم
رايد النايف ,,, مساك الله بالخير
المعذره على التأخير وايضآ المعذره على النص الاول بما فيه من اختلاف بسيط في قافية العجز,,,
نجم(ن) سطع بالنور وازداد برقه=من قوة فلاشه حرق راعي الحقد
الحب يارايد ترى فيه حرقه=لو ابتدأ بعهود واحلاف(ن) وعقد
والحب لامنك تمعنت طرقه =ملعون ابوه وفيه تخدير مع فقد
يزعج حزين الصوت لاناح ورقه=سهران طول الليل ماطاب له رقد
وصدق العذارى واضح(ن) فيه فرقه=لايخدعك معسول لباسة العقد
واحذر من اللي بالهوى فيه درقه=يضحك وحبله بالخفا يعقده عقد
ولاترافق الهذار يزعجك قرقه=طيبك معه مهدور لو كنت معتقد
ترى الردي لو طاب يجذبه عرقه=اقديت في ترك الردي .. وانت بعد أقد
والقاف لو كادت بحوره وطرقه=اطوًعه تطويع واقدمه نقد
ملاحظه للمتذوقين فقط/
البيت الثاني كلمة : عقد هي جمع عقود
البيت السادس كلمة عقد اي عقد يعقد تدل على الربط
البيت السابع كلمة معتقد اي يعتقد
ايضا طرقه الاولى / جمع طرق
وطرقه الاخيره / جمع طاروق