.. ~ {وش تقــول للــي فـ بــاللــك } ~ ..

[منوال السهر]

لا تحسب الفـرقى سواليـــف و مـزوح !!

يتـلـّـك اللــي يقهـــر العيــــن تـــــلـّـه !!

أنا أشهــد أنـك يـا خوا الـــراس مجروح !!

فرقى ضنيـن الشـوق من شـان زلــّــه !!

[~ tмйєτҝ ~]

لف هالعالم ولاتقدر تلاقي..
واحد ٍ [ مثلي ] يبي يكسب " رضاك "
جابني لك .. حبي وزود اشتياقي ..
و (إنت) ما كنها أبد تفرق معاك!!

[مفارق الأحزان]

ياعمي الشوق ذابحني ومشقيني
على هنوفآ خذت قلبي وقفت به

وأنا مولع ولا أدري ويش بيديني
غير الصبر والفرج من ربي وربه

لكن الأسباب ياعمي تمشيني
عليك وأنته دوا روحي وترا طبه

تكفى طلبتك ياعمي لاتخليني
وفزعتك هذي ليوم الدين فالحسبه

غروآ خياله معي دائم مخاويني
وأجبر خفوقي بدون شعور في حبه

لو قال عينك لعينه ترخص العيني
ولو قال قلبك أقول القلب لك لعبه

ولو قال ياسر ترا برد الشتاء شيني
لقول ضلع الصدر لعيونك أشبه

ولو قال لو هو بكيفك وش تسميني
لقول أسمك يكفيني وأنا أطربه

ماكن هالأدمي مخلوق من طيني
ماألقا شبيهه بشرق الكون أو غربه

لله دره ودر المنطق الزيني
تقول ربي من الياقوت قد صبه

ويالله ياربي رجيتك وأنته أمعيني
حقق مناتي يارب الكون في قربه

وأنته طلبتك ياعمي لاتخليني
تراه لاضاع مني أنته السبه

[Šђẳiţǿǿηẳђ]

شـــفـتـٌ *_^

[مّتىآ بّشُوُفڪ حقّيّقَـۂ]

الله يكون بعوونه اللي بيطيح بيديك هالحزهـ .. *_^

[منوال السهر]

جتـني تقـول أرجوك كمـّل بـ ( أنفـاس ) !

كمـّـل دروبــك هون ... وأكمل دروبي !

[مفارق الأحزان]

اقووولي للي ببالـــــــي











يا ليلً ظلامك ساد وارخـى سدولـه
تعبت اسهرك واحاول اجمع شتاتـي
سنيني مسلسل كـل عـام بفصولـه
مشاهد وتعرض ضمن قصة حياتـي
يمثل بهـا الحرمـان دور البطولـه
وضيف الشرف فيها الامل وامنياتي
ياصبري على وقتي وشيل الحمولـه
اصارع ظـروف ايامـي القاسياتـي
تعاملنـي الدنيـا بلـيـا عمـولـه
وتاخذ من افراحي ولا قلـت هاتـي
اقيس الشقا كلـه بعرضـه وطولـه
بعد صابني حظـي برمـح الزناتـي
على ماضي الذكرى اخذت الي جوله
ادوّر على صـوره لبسمـة شفاتـي
لقيت اخر البسمه في سن الطفولـه
هذا اللي لقيته بـس فـي ذكرياتـي
ياوجدي وجود اللي نسى الناس حوله
غدت راحته واخطا طريق النجاتـي
في ليلً ظلامـه سـاد وازداد طولـه
ياسعد العيون اللـي بجنحـه تباتـي

[عاشق الأحساس]

ونّتي من وجعه الجرح الخطير
ما غضا جفني ولا لي نوم طاب


ونّة الماخوذ من قومه أسير
يرضف الونّات مأسور مصاب


أو كما ونّات مكسور الجبير
والجباير كسرها ما يستطاب


اشتكي من ونّة القلب الكسير
من تصاويبك ومن كثر العذاب


لك غلا في باطن الخافي الضمير
دايم لي في وجودي والغياب


لا ولا دونك ولا لي قط غير
يا عذابي منك يا منّك عذاب


شوفني في صايب الحب الكبير
دايم ابهمّ او هموم واكتئاب


تختبرني وانت في حبّي خبير
والمحبّه بيننا شوق أوعتاب


الهوى يا سيّدي ماله أمير
وانت سيد البيض تلعات الرّقاب


ليت مرسولك لفا منّه بشير
ذا يريح القلب لو كلمة عتاب


لا تواخذني بقول المستعير
كالغفير إيمرّ والاّ كالسّراب


يا شبيه الرّيم يا عين الحذير
عين فرخ الحرّ والاّ عين دابّ


نور خدّه يشبه البرق المنير
أو كما بدر تجلّى من سحاب


مالي عوده له المضمر صغير
والمجدّل مثل ما جنح الغراب


فوق متنه سابح مثل الحرير
ينتشل وان هبّه النّسناس ساب


يا رسول الخير عجّل بالمسير
وانت بالمعروف تجزي بالثواب

[منوال السهر]

رعشـة هدبـها تشهـق الروح فيـها !!

يا كيـف نظـرة بــوق.. يحـّـول يحـّول !!

ودّي بــهـا .. يـوم الخـلايــق تبيـــها !!

بس التمنـّي .. عاقبـة شـي مجهول !!

[مفارق الأحزان]

اقووول للي ببالــــــي












تباعـد بـك مشاويـرك وبعـدك مايسـر الحـال
بّعـدّك الهـم والغربـال والضيقـة عناوينـي !!
ثـلاث سنيـن قلبـي للجـروح الداميـه مدهـال
غيابك ضيّق الصدر الرحيـب وضيّـق سنينـي !!
ولازلت أتذكر يـوم كحلـك مـع دموعـك سـال
وانا مـن ماغشانـي بيّحـت مكنونهـا عينـي !!
نهار اقفى بـك الحـظ العنيـد ومركـب الترحـال
وحالت عزتـي وسلـوم ربعـي بينـك وبينـي !!
تعالـي / مابقلبـي حيـل وحمـول الغـرام ثقـال
تعبت اقول لـك مافـيّ مـن هجـرك مكفينـي !!
تعبـت أسـاوم الوصـل البعيـد بلعبـة المحتـال
ولاادري بالنصـيـب يجيبـنـي والا يوديـنـي !!
تعالي / من بعـدك الحـزن يمـي لاقـيٍ مدخـال
مخيّم فالحشاء ويسوق ركبـه فـي شرايينـي !!
تعالي / من بعدك اقفـت تباشيـر الفـرح زرفـال
حداها واحتداهـا عنـي اللـي عنـك حادينـي !!
ليا مني بغيـت النـوم .. طيفـك زارنـي يختـال
وسبحت مع الخيال اللي لبيـت اهلـك يسرينـي !!
اناجي ليلـي الداجـي .. واغنـي للسهـر مـوال
تعلمـت الكتابـه منـك واهديتـك دووايـنـي !!!
كتبتك شعر لين اصحبـت شااعـر ماعلـيّ جـدال
أهيم وغبـة التسعيـن مـن يسـراي ليمينـي !!
على رجواك ريضـان الحشـاء ماعلهـا الهمـال
وعلى بلواك ليت الصبر فـي دربـي مخاوينـي !!
لو أني شفت غيرك !!! قلت لك غيرك "بنات رجال "
لكن انتـي بلارجعـه عـن الواقـع خذيتينـي !!
بعد حبك حرمـت مـن المحبـه لابسـات الشـال
وبعد زينك غسلت إيـدّّيّ مـن كـل المزايينـي !!
عليك الذنب يوم أنـي وحيـد بـلا مـره وأطفـال
وعلّي اللوم ماطعت النصـوح اللـي موصينـي !!