استاذنك يا منتدى همس القوافي برحيل

[*+* مـهــآآآآجــرة *+*]

اقتباس المشاركة الأصلية كتبت بواسطة محمد الجبيل استاذنك يا منتدى همس القوافي برحيل= وستأذن اعضاك انا ما عاد لى حاجه هنا = كتبت فيك الشعر كله من قصيره للطويل = ولجل ارضي اعضا ئك تحملت المشقه والعنا = واليوم مليت الشعر ما عاد في شا عرك حيل = المشكله ماهى بحد المشكله فيني انا = المشكله جيتك ادور للسعاده من بخيل = اقول له عطني يقول الحب يبغا له بنا = ايت بنا يا صا حبي يا رعي الخصر النحيل = يا منتهي حلمي واخر عالمي واغلا المنا= يا وحدن لو قلت يوم ابدله ماله بديل= الا اني اهجر عالمه وبكي قصا يد هاهنا= ما فادني كثر البكى ولا استسغتك يالعويل= من يوم جيتك والله ان كني معك فا قد ضنا= مليت من رمز الدخول ادونه في كل ليل = ادور رساله تجي ولا عسي يدخل هنا = واليوم قررت ابتعد وعلن لكم يوم الرحيل= المشكله ما هي بحد المشكله فيني انا =

وأنا بعد لي مدة(ن) دايم أفكر بالرحيل =وأشكي من جروح الزمن بين المحبة والعنا
بس الوفاء يا صاحبي من شيمة القلب الأصيل = أنا الوفاء من عاآآدتي أنا الوفاء طبعي أنا
ببقى ولو جار الزمن والجوف من هجره عليل = وبصبر على مر الفراق حتى ولو موتي دنا
همس القوافي ضمني وحروف شعري له تميل= ما والله أبعد عن سماه ولا يمكن أرحل من هنا
قافي بداياته هنا موطن دفا وأرض المقيل = من فوق ساحاته ربى وأثبت وجوده وأهتنا
جيته وروحي خاوية والحرف بالمعنى جميل = يرسم خيال ويتبعه ويدون أحلام المنى
واليوم وفؤادي عليل وكل جرح به محيل = بسطر آهآآت الفراق وبرسم اللوحة أنا ..!
عذبتني يا هاجري واللي جرى ماهو قليل = حسبي على حظ الشقاء ما قربك من دارنا ..؟
تعال شف نزف الأمل على دروب المستحيل =وأنثر أحاسيس الغلا يا هاجري ما بيننا ..؟

الشآآآآعر القدير "

)) محمد الجبيل ((

كلمآآآت مؤثرة أجبرتني على إخراج

ما تكنه النفس لهمس القوافي

تقبل هذيان حرفي حين جاء متبعثرآ هنا .


صح لسآآآنك وربي لا هآآآآنك

دمت راآآقي الفكر

[العسجديھ]

محمّد الجبيل

صح لسانكك مليون

سلامِي/إحْ ــترآْمي

[صدق النوايا]

انا هنا لعيون كل من طالبني ببلبقاء
وعذروني والله ما ادرى كيف اوفيكم ورد لكم الجميل ولا كن انا كتبت قصيده كرد للعوده ان شاء الله اني اكون اعطيت كل ذي حق حقه وعذروني والله الكلمات ما توفيكم حققكم لو كتبت من الحين لبعد سنه ولا كني اشكركم واعتذر لو بدر مني اى شي يضا يكم

[دمــعة الغيــمه]

اهم شي وجودك وبقائك هنا

وصح اللسانك على هذه القصيده التي بلاشك

ضايقت الكثير وانا اولهم ولكن الاهم عودتك

[العضو العضو]

شكر على الأبيات الجميلة ونا ابادلك نفس الشعور

[سلسبيلا]

عندما قرات أبيات أخينا الشاعر / محمد الجبيل كتبت هذه الابيات على عجل تضامناً مع الأخوان والأخوات بالعدول

عن قرار الرحيل الذي فاجأ الجميع به :ـ

اللي يحبونك كثر في عيونهم منته قليل

ورغباتهم في المنتدى إنك تخيم بيننا

*******************

ترى المفارق يامحمد يفرح القلب العليل

واهل المحبه أجمعوا نادوك نبغى أسعادنا


**************************

لاتنوي الهجران لا مانقبله ياذا الاصيل

قرار زعلنا جميع ولانبيه بدارنا

************************

[صدق النوايا]

اقتباس المشاركة الأصلية كتبت بواسطة دمــعة الغيــمه اهم شي وجودك وبقائك هنا وصح اللسانك على هذه القصيده التي بلاشك ضايقت الكثير وانا اولهم ولكن الاهم عودتك

شرفني مرورك دمعة الغيمه الله يحييك
وجودك يشرفني وسؤالك يزيد ثقتي في نفسي
القصيده قديمه مره لها اكثر من سنه
ونتهت المشكله اللى كانت قا ئمه أن ذاك
ورجعت للمنتدى ولا اظن اني ممكن اطلع منه بذن الله من غير شر
وما دام امثالك موجودين في هذا المنتدى
يبقا له متعه ويبقا في قلب محمد الجبيل
اكرر شكرى لتواجدك لمميز

[صدق النوايا]

اقتباس المشاركة الأصلية كتبت بواسطة سلسبيلا عندما قرات أبيات أخينا الشاعر / محمد الجبيل كتبت هذه الابيات على عجل تضامناً مع الأخوان والأخوات بالعدول عن قرار الرحيل الذي فاجأ الجميع به :ـ اللي يحبونك كثر في عيونهم منته قليل ورغباتهم في المنتدى إنك تخيم بيننا ******************* ترى المفارق يامحمد يفرح القلب العليل واهل المحبه أجمعوا نادوك نبغى أسعادنا ************************** لاتنوي الهجران لا مانقبله ياذا الاصيل قرار زعلنا جميع ولانبيه بدارنا ************************

سلسبيلا
يا هلا بك وصح لسانك القصيده قديمه جدا
انا لن ارحل فقد انتها الموضوع من حوالى سنه

[صدق النوايا]

اقتباس المشاركة الأصلية كتبت بواسطة العضو العضو شكر على الأبيات الجميلة ونا ابادلك نفس الشعور

يا هلا بك تحياتي لك واخلاصي لهذا المنتدى