..,*^ صــدود ^*,..

[الرزينة]

أنت وينك يالحبيب
ليه تجافيني وتغيب

ماسألت
ماطرى على بالك هواي
ونجمك ماسمع
ونة سماي
وقلبك كيف نسى
نبض قلبي
كيف نسى حكاية عناي



ليت ياخلي تشوف
حالتي عقب الكسوف
غاب من وقتي الهنا
وانرسم بعيوني خوف
ماتت ايام الفرح
وحزني يكتبني حروف
تمضي الدنيا وتسير
وانا ايامي وقوف
ليت ياخلي تشوف
مابحالي من يروف




بالوصل كانت وعود
والحروف اصدق شهود
قلت لي بظلي امان
لاتخافين الرعود
تشرق الشمس وتغيب
مايجي مني جحود
انتظرت لحظة وفا
كانت اللحظة صدود



لو تجافيني وتغيب
وتكسر بعيوني الاماني
انتظرك وانتظرك
لو يطول بحزني زماني
انتظرك يالمجني عليه
وانا بعشقي كنت جاني
تبتسم دموعي لصدودك
واذكرك اجمل معاني
واقبله منك الصدود
لو بصدك كنت اعاني
وانتظرك انتظرك
لو يطول بحزني زماني