وأفضل الناس مابين الورى رجل****تقضى على يده للناس حاجات
لا يكفيني ان اشكرك ولكن يكفيني ان اقطف من ثمار بساتينك وأدعو لك عسى الله يجزيك عن كل حرف كتبته يدك الكريمة وجادة به أفكارك المستديمة تقبل مروري وجزاك الله خير
وأفضل الناس مابين الورى رجل****تقضى على يده للناس حاجات
لا يكفيني ان اشكرك ولكن يكفيني ان اقطف من ثمار بساتينك وأدعو لك عسى الله يجزيك عن كل حرف كتبته يدك الكريمة وجادة به أفكارك المستديمة تقبل مروري وجزاك الله خير
محجور بالله كان باقي لي غلا=خل الرسايل في بريدي تايبه ‘‘
كانك مصمم تحتريني يا هلا=لا جيت ليتك في إيميلك جايبه‘‘
ساق ٍ تبي بعدك وتركض للخلا=ياليت ترجع بالليالي خايبــــه ‘‘
صدري من علوم الرفاقه ما امتلى=تبقى المعزه في ضميري طايبه ‘‘
ياليت يعرف صاحبي ريم الفلا=ما كانت الدعوه بعيني سايبه
لا صدق‘ لا منطق‘ ولا.. ولا...‘=يسلم ملكنا بالحياة ونايبه !
لو كان في ذكر التفاهه به حلا=ما شفت عيني للرسايل عايبه
اقتباس
المشاركة الأصلية كتبت بواسطة العـ راعي ـليا
ياصاحبي ... وحياة خلاّق الملا =الواحد اللي كل خلقه هايبه
على نبي أمّي ... كتابه منزلا = من خشيته صم ... الصفى له ذايبه
اللي على أرضه أوجد الماء والكلا = من وبل غيثه لا زمت سحايبه
إن الغلا لك ... داخلي عال وعلا =ياللي على العليا ... مشت ركايبه
من يبغضك ... عساه عن داره جلا=الين ما تركّز ... عليه انصايبه
والقلب اللي عن صاحبه ... ما قد سلا = يالله عسى يجي ... الخبر حبايبه
اقتباس
المشاركة الأصلية كتبت بواسطة هجير الشتاء
ياليتني ما جيت في مرثيه = حتى أبين لك سبب منهاجي
أقسم قسم لو عاد به نشميه = ما طارت القمرا وهي معراجي
هم الزمان.. يبدد الحنيه = كن الوجيه الخايبه بأدراجي
يا ثوبي اللي ما حد ٍ له زيه = وش فيك تعقد للبلاط حجاجي
أرفعك غالي من صميم النيه = ومن تحتك البركه ياليتك ناجي
ارخيت عزمي وما غصبت ايديه = وانهد قصري وما وسعني تاجي
سرب الحمام إن ما لقابي فيــّه = والله ما يشقى عشان احراجي
انثر ظما‘ يشرق سراب الميه = واكتب عمى‘ وتشوفني أمشاجي
ياليت يرجع فالزمن ماضيه = ماني بعايش به ولا محتاجي
ودي اربي لي دروب معيه = من عقب ما اسنع واعيل انتاجي
اقتباس
المشاركة الأصلية كتبت بواسطة العـ راعي ـليا
يا الله ياعالم خفايا حيِّه=ياسامع النمله بليلٍ داجي
يامخضرٍ بالقاع من وسميّه=تزهر بها ريضانها وهباجي
ياكاشفٍ ظلام ليله ضيّه=والفلك تجري فوق موجٍ هاجي
الكون كله عارفٍ خافيّه=لسبع الكواكب في سماك ابراجي
ما غيرك احدٍ دايمٍ كرسيه=يامعتلي وحدك ملاج اللاجي
وخلاف ذا با قول يالله حيّه=ترحيبةٍ من قلب بك ... ياسراجي
يا مطوّل الغيبه ... ورى العيديه=وين القدم ياصاحبي بك ساجي!
بشّر عسى الأحوال ميّه ... ميّه=ما ضاقت وسبل الكريم فجاجي
قصرك مشيّد وأنت في عاليه=وكل شدةٍ لها بيوم إفراجي
هيّضتني بالماضي وطاريّه=وقتٍ مضى مثل النجم وهّاجي
يوم البدو كلٍ على رحليّه=والخبز يطرق فوق ذاك الصاجي
أبختصرها لا تطول شويّه=يا الله عسى عن ضيقنا مخراجي
تمت وصل إعداد خلقٍ حيّه=على الشفيع ... مبيّن المنهاجي
دام هذا وصفها دنيا الغرايب!=وكل حي (ن) فوقها لا بد فاني.
ودام فيها الكيف ماهو دوم طايب!= وش بلى ؟! ما يتّعظ هالمودماني!
قبل يوم(ن) فوقه اتغز النصايب=وبعدها ما ينفع فلان الفلاني
ما يفيده لا صديق ولا قرايب=يافطين العقل فكّر وأنت جاني!
البخيت اللي بها من الذنب تايب=اشهد انّه عند ربه بالجناني