قالو علامك تايه الفكر حيران
قلت اسمحولي علتي داخلية
ما تنفع السجات مع كثر اللحان
انا بلايه جادل غشمريه
لا سلهمت بالعين والرمش فتان
والخد بستان الورود النديه
ولا الثنايا كنهن حب رمان
مركوزة النهدين غضه شويه
وسود الجدايل للنثنت فوق الامتان
سود الجدايل ظافيه ومحويه
العنق عنق الريم في وسط ريضان
والعود نعناع نبت وسط فية
انفاسها جوري تمايل ببستان
مثل الحرير أيدينها مخملية
سبحان من صورجماله بإحسان
وابهرعيوني في جماله وزيه
الله عطاها الزين من غير نقصان
وكمل دلاله بالخصال الوفيه
لو دجت كل الارض ماشفت له ثان
والله ما تلقى بها الناس زيه
بالمملكة والهند واطراف لبنان
مافيه مثل الجادل الغشمريه
لو رحت لمريكاء ولندن وايران
وايطاليا والدوله الهاشميه
تضحك على هيفاء وزينب ورازان
وتقول طز لصوفيا المغربيه
في شاعر المليون لوكان ماكان
اتجيزها اللجنه ولا هي قضيه
لوشافها علي وتركي وغسان
ضاعت اعلومه بين هاذي وذيه
وحمد يقول لصاحبه يا بو افلان
ذي فالها المليون والخمس ميه
يصوت لها الجمهور لوكان طفران
وتجيب بالتصويت ميه بميه
لوشافها بوش المحنك وعنان
ما فكر بقوميته والهويه
لو ناظرة شارون لوكان وجعان
يفز واقف لجل عين البنيه
لا ذيك لا هاذي لهناك لهان
مسكانها وسط الضلوع مخبيه
حزت حضنته ونطوت بين الاحضان
وتعاقبن من فوق عنقه ايديه
ارويت قلبن بالهوى كان عطشان
وعلامة الجوده طبعها عليه
تحياتي 00
العرض الشجري
