إن جيتي لي عينً غطا وعينً افراش= وإن رحتي بدعيلك عسا الله يرعاك
ذي حكمتي مادام راسي لكم عاش= وإن مت!! يبقى الخير ذكري بدنياك
هذي ترى كنز القناعة ولك كاش= لو تأخذي منه شوي زالت نواياك
لا.. تسيئي بي ظنك!! ولاني ولد لاش= ولاني دنيء النفس لا قلتي مابغاك
بسك!.. تهم.. أرهقتي لي فكر منداش= شوفي! ماخنت الزاد وحنا ما لحناك
قلوب البدو أطهر وأبيض من الشاش= طبع البدو يابنت يــبــهــج محياك
بعطيك شور ً زين ولاني لكم غاش= أنسي بأنك تعرفيني وأبنساك
ولا..! تكرهين الحب! مــا انباع ببلاش= اكرام نفسك.. في هواها ومشهاك
واخر كلام.. إن جيتي عيني لك فراش= وإن رحتي يالمزيونة.. فـ الله يرعاك
وسلامتكم
بندر الرسام
إن جيتي لي عينً غطا وعينً افراش= وإن رحتي بدعيلك عسا الله يرعاك
الله عليك يابندر بيت قمه في الجمال ؟ وهذا البيت يدل على شخصيه بندر
وهذا من طبع الرجال الوفيين .
صح لسانك يا العاااااطفي على هذه القصيده الجزله وهذا المضمون الراقي
بعض القصائد قويه في الالفاظ والبناء فقط والمضمون سطحي لافائده منه
ولكن قصيدتك جمعت الاثنين معا وهذا لعمري دلاله على شاعريتك الفذه