انا ماقلت الحين البنات بشيلو الحجاب كلهم !!!
شي يجر شي ياعالم ! والدليل قلته لكم
طيب مثال ثاني ! اول كان فيه لثمه وعباره على الكتف ؟ ولا كنا نفكر فيها !! اول ماجتنا قلنا بناتنا لا متحفظات ولا راح احد يشتريه والحين شوفي معدل كل 20 بنت وحده محجبه حجاب كامل!!!! اللي ابي اوصله شي يجر شي ورا الزمن الحين يمكن النيه زينه بس فكرو بالمستقبل !!!
ابضرب مثال ثاني
اصحاب الكهف لما ذكرو في القران !! الناس اللي على وقتهم يوم عرفو بقصتهم بعد ماماتو قالو ابنو عليهم بنيان بس عشان نذكرهم وجا الجيل اللي بعده وصارو يتبركون فيه ويعبدونهم من دون الله !! شي يجر شي!!!
وانا بكون صريح !
الحكومه هي اللي تودينا للهاويه !
اول شي منتدى المصخره اللي بجده هذا كله ببتسهيل الحكومه وبعد مانكره مفتى السعوديه ال شيخ رد عليه الامير عبدالله بعد يومين قال الاصلاحات تسير في طريقها !!! يعني الاصلاح بحرر المرأه وبتكشف وطبيعي ! هذا عمل !!!
وانتي مع احترامي ماخذه مقلب او انك بريئه ! بالشباب !
ماقولك كلهم صيع او دشير بس 10 بالميه هم الخربانين ؟؟؟ لا اسمحي لي هنا اوقف !
روحي الاستراحات والمقاهي والسجون وتعرفي وشوفي العاطلين وتعرفي كيف شبابنا
ثانيا اصلا فكرة السياره تقليد ماهي بمنفعه صارت تحت غطاء المنفعه بالنسبه لكم
مع احترامي جثه : عذر اقبح من ذنب ؟
وأخووووي بعيد الشررررر عنك أن شاء الله وصااار لك شيء وانت تسوووق السيااارة وما كان جنبك الا زوجتك او اختك . . او اياً كان ..
من سوووف يكووون الحكم في هذا الموووووووقف ..!!!!!؟؟؟
اليس من حقي المراءة التي بجاااانبك ان تتدخل وتحاااول ايقاااف السياااارة منعاً لوقوع كاااارثه ..
أتمنى أنك فهمت قصدي ...
^
^
الصراحه اذا هنا وصل تفكيرنا مشكله !!!
مع احترامي اختي والله بس ودنا نتكلم بشكل صريح
شيوخنا صار كلامهم بالهوا !
حذفو باب الولاء والبراء كله من هالاصلاحات !
اشياء كثير ترتبت
والحين المرأه !
خلوهم بحالهم والمشكله الاكبر ان المراه هي اللي تتكلم وتقول ابي وابي...!
نصيحه لك اختي في الله ..!
والله كل هالكلام اللي عن المراه بتعكسه السنين واذكري كلامي زين كل شي راح يجي حبه حبه !
وعلى طاري شي نسيت اقوله فوق : اخر عمرنا يجي بنك لنتون الخـــنــزير يعلمنا وش ديننا ويشرح احاديث ويفسر على كيفه وكان بحظور امير ؟؟؟
الله يرحمنا بس ! وعلى بعد 90 كيلو متر من مكه :(
اللي صار بجده كنا نفكر فيه قبل 10 سنوات ؟ لو سمعناه قبل 10 سنوات راح يكون غريب واهانه بالنسبه لنا بس تعودنا على هالشغلات لما يصير كل شي عادي
الحجااااااب مسألة منهي عنها لاننا كمسلماااات مثل عائشه وفاطمه وغيرهن الكثير وهن أحسن منا بكثير ولكن هن قدوة لنا ونحن نسير على نهجهن أن شاء الله ..
^
^
رضي الله عنهن ... من ناحية الحال الحين روحي الاسواق وشوفي ..! ترا اول مانفكر ان نشيل الحجاب ...! الحين شوفي وش صاير حتى عيد الحب قامو يحتفلون فيه !!!
طيب على طاري امريكا هي اللي جابت لنفسها ؟ كيف جابته ؟؟؟
المرأه تسوق السياره والبنت تطلع كاشفه ؟؟ والحين هذا اللي صاير المراه تسوق والحجاب بدا يروح من جده ! مع الوقت بصير عادي!!! لاتقولي انا عارفه نفسي ومدري وشو ...! لامرت 10 سنوات تقريبا ان الله احيانا راح الكل بكون بدون حجاب والكل بقول الله هذي متخلفه وش فيها مو مخليه مخها مفتوح !!! ترا هالكلام الحين يصير بالكويت من صديق مقرب لي !!!
أخووووووي انا ما كاااان قصدي لما قلت انه عااادي اني اقووود السيااارة بالبر اني ابي افسخ الحجااااااب او ابي اروح سينما وهذا امر عاااادي اذا مع ابوووي ( رحمه الله ) اخوووي وانا بكامل الحشمه او اني ابي اروووح نوادي ليليه وفي اعتقااادي ان النااادي للبنت في مجتمع حريمي ويكووون بوقت العصر ايضااا عادي ..
^
^
هاالكلام يدل انك مافهمتي وش ابي اوصل له ! او انك ماتبين تفهمي !
اوكيه ابشرحها حبه حبه !
المشكله صغينونه اللي هي ايش ؟ سواقة المرأه في البر حلو !
انتي تقولي لها منافعها لما تصير كارثه مثلا للرجل من يساعده !!! حلو بعتبرها منفعه ! رغم انها مادخلت مزاجي
بتفكير منطقي وبعقل كبير ! المفروض نفكر وش النوافع وش الضوار من السياره !
المنفعه مذكوره اعلاه منك !
المضرات لاتحصى ! مثلا ملاحق الشباب وراح تحصل حالات تحرش لاتحصى !
وراح تحصل حتى الجرايم لما رجال يسوف اخته ينتحرش فيها ولا شي طبعا راح يذبح من تحرش في اخته !
وبعد تجر لغيرها من المعاصي : البنت اول شي بتسوق بالبر بعدها لمشوار صغير مثلا البقاله وبعدها مدري وشو الين الحريم يسوقون بالشوارع ؟ بعدها ايش ؟ بعدها البنت يتحط تظليله على السياره وبتكشف بتقول ماحد يشوفني وبعدها تفتح نافذة السياره شوي وبعدها تفتح مره وحده ! لاتقولي انا عارفه نفسي انا اول اقول الدخان مافيه امل اشربه هو حرام وضوار والحين ادخن ليه ؟ لان اخوياي معي وجروني معهم !!!
نستنج من الكلام هذا كله ان المضار اكثر من المنافع فعشان كذا مانأيد ان المرأه تقود بأي شكل من الاشكال!
بعد السلام اقول اللي في خاطري انكم ياجماعه مكبرين الموضوع وبس وسويتوها انفلات واختطاف ليش مافي اختطاف الحين او قبل ؟!! طبعا فيه مو هذا الشي اللي بيخلينا نتدهور واللي مايسوي شي هنا يسويه برا لما يسافر مسكين السواق والله السواق مو داري عن شي ولو درى فهو المساعد الاول لانحراف البنات والاهل اللي مو قادرين يحكموا بناتهم اصلا مو ضارهم سواقة بناتهم الردع من الداخل من التربيه بالاضافه الى نفس الانسان هي وحدها اللي تردعه السياره مهي المشكله في شي اهم هو المشكله ويا ريت تفكروا ايش هذا الشي الحل من الجذور وليس البذور... وشكرا
السلام عليكم
الموضوع ما أقول أنه صغير وتافه ولا أقول انه كبير إلا بعد الانتهاء من هذه الخطوه وهي
على كل من يرا في سياقة المرأه خطأ أن يضع الضرر الممكن ومن يرا أن قيادة المرأه صواب أن يضع المبرر وبعد فتره نستطيع ان نحكم قبل أن نصدر قراراتنا بدون تأني أنا أول البادئين
القوائد
1_ الاستغناء عن السائق
الأضرار
1_عند تعطل السياره فإن المشكله تعتبر مضاعفه بالنسبه للرجل
بسم الله الرحمن الرحيم
الحمد لله والصلاة والسلام على اشرف الانبياء والمرسلين سيدنا محمد وعلى اله وصحبة ومن
اتبع هداه أجمعين
أما بعد
ألسلام عليكم ورحمة الله وبركاتة
الى من يهمه الامر 000
ان قيادة المرأة السيارة في السعودية خير و نعمة عظيمة من جميع النواحي وأخص بالذكر
الناحية الدينية والاقتصادية0
من الناحية الدينية:
الاسلام دين يسر وسماحة ونحن نحترم جميع علماء المسلمين ممن شهد لهم برجاحة العقل و بعد
النظر لما فيه خير للبلاد والعباد 000 قد نختلف معهم في بعض الامور الجانبية التي تحتاج
مزيد من التفكير لحل مشاكل المجتمع المسلم وعلى سبيل المثال قيادة المرأة للسبارة 000 و
نتفق معهم في اتباع جميع تعاليم الاسلام الثابتة التي لا يختلف عليها اثنان مثل الصلاة، الحجاب،
الحدود الشرعية، 000الخ
- من الحلول المطروحة لقيادة المرأة للسيارة هو أن تقود المرأة السيارة المظللة داخل المدن
وفي اوقات محددة وان يكون هناك شرطيات مرور يعملن في هذه الفترة ايضا لكي تكون المرأة
السائقة بعيد عن الاحتكاك برجال الشرطة0 بذلك سمحنا للمرأة بقياد السيارة مع حماية لها وايضا
وفرنا فرص عمل للنساء بأن ينخرطوا في القطاع الامني0 وكذلك نكون قد حفظنا بناتنا من
الركوب والاخطلاط مع السائق الاجنبي0
- أيضا من الحلول المطروحة أن لا نسمح للمرأة بالقيادة ولكن أن نسمح لها بركوب السيارة
لوحدها او مع اطفالها وان يتم أرسال أقمار صناعية الى الفضاء تغطي سماء المملكة وان يتم
تزويد السيارات بجهاز كمبيوتر متطور و جهاز ملاحة للاتصال بالاقمار الصناعية لكي يتم توجية السيارة
وقبادتها بالكمبيوتر، بحيث اذا ضغطت المرأة الراكبة للسيارة على أحد الازرار ممكن يقودها الكمبيوتر الى
المدرسة ، المستشفي ، السوق 000الخ0 كذلك أن يتم تظليل السيارة للتموية والخصوصية0
بذلك نكون قد سمحنا للمرأة بركوب السيارة و كذلك كفيناها شر الركوب والاخطلاط مع السائق الاجنبي0
من الناحية الاقتصادية:
لنفترض أنه يوجد في المملكة 2,000,000 عائلة (اثنين مليون عائلة) يعمل لديها 2,000,000
سائق أجنبي
لنفترض أن راتب كل سائق 1,000 ريال سعودي (ألف ريال سعودي) شهريا
أذا المجموع الكلي لرواتب السائقين التي يتم دفعها سنويا هو 24,000,000,000 ريال سعودي
(أربع وعشرون مليار ريال سعودي)
ألا تعتقدون أنه يمكن استخدام هذ المبلغ في مشاريع تعود بالنفع على النساء والرجال داخل
المملكة بدلا من دفعها الى السائقين الاجانب؟
الشباب و البنات في المملكة لا يجدون الوظيفة بعد التخرج وهناك نسبة كبيرة منهم يحملون
شهادات مع مرتبة الشرف ولكن بدون عمل 0 الا ترون أن لو تم الاستغناء عن السائق الاجنبي
سوف يعود ذلك على البلاد والعباد بالنفع؟
والسلام عليكم و رحمة الله وبركاتة0
هذا كلام شخص في احدى المنتدياااات ..
حبيت اطرحه عليك .. واشوووف رأيك فيه ..!!؟؟
وارد انا بعد عليه ..
عن حذيفة بن اليمان رضي الله عنه قال : [ كان الناس يسألون رسول الله صلى الله عليه وسلم عن الخير وكنت أسأله عن الشر مخافة أن يدركني فقلت : يارسول الله إنا كنا في جاهلية وشر فجاء الله بهذا الخير فهل بعده من شر قال نعم ، قلت وهل بعد ذلك الشر من خير قال نعم وفيه دخن قلت وما دخنه ؟ قال قوم يهدون بغير هديي تعرف منهم وتنكر قلت فهل بعد ذلك الخير من شر ؟ قال : نعم دعاة على أبواب جهنم من أجابهم إليها قذفوه فيها . قلت يا رسول الله صفهم لنا ؟ قال : هم من جلدتنا ويتكلمون بألسنتنا . قلت : فما تأمرني إن أدركني ذلك ؟ قال تلزم جماعة المسلمين وإمامهم . قلت : فإن لم يكن لهم إمام ولا جماعة ؟ قال : فاعتزل تلك الفرق كلها ولو أن تعض بأصل شجرة حتى يدركك الموت وأنت على ذلك ] متفق عليه .
فيا من تسمي نفسك ...!!اتق الله في قولك وحذر كل الحذر أن تكون من الدعاة الذين أخبر عنهم النبي صلى الله عليه وسلم .
تقول في عرض خرابيطك ( نتفق مع علمائنا ونختلف معهم ) ؟؟؟؟ من أنت يا عالم الغفله وما هو علمك الذي يجعلك تختلف مع علمائنا الذين أفنوا أعمارهم في طلب العلم وتعليمه على رأسهم سماحة الشيخ عبدا لعزيز بن باز وسماحة الشيخ محمد بن عثيمين وأنت ما بعد طلعت من بطن أمك . أعقل يا شاطر وخل الكلام إلى مالك فيه صالح ولتفت لدروسك وواجباتك .
(( هذا ردي على من طرحت قوووله ..!! ))
أخي .. الغالي .. تويكس مايع ..
اعتقد انني فهمت مقصدك خطأ واعتذر على ذلك .. وانت فهمت مقصدي خطأ ..
ولكني اتعلم انني اريد أن اظل في غرفتي الصغيره المتألقة دوما تنير بالامل
ومازال الامل فيمن حولي كبير ..
على فكرة لو الموضوع نفسك نوسع الحديث فيه راح نوسعه وما عندي اي مانع .. لان الموضوع حساااس جدا لدولة عريقة بالحضارة السعــــــــودية ..
العرض العادي
